Luk. 14:21 - Ebaibul

²¹ “A nen, abu eketiyan toboŋo tolimok ekapolon ŋakiro ŋun daadaŋ. Toŋo elope ŋasuban nooi, tolimok eketiyan keŋ tema, ‘Tonyou atipei kirimo lomaketa daadaŋ ka kidiŋ ŋakais ŋuna ke etaun a lo, tosodi iyau nege ŋikulyak, ŋikecodok, ŋimudukanotin ka ŋikaŋwalak.’

Luk. 14:21 Iomraidhean Croise

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 38:7

Elelebun aryeba ŋina apipilan nooi nakuwan kaŋ; adaun aŋaleu anakuwan kaŋ.

Isa. 33:23

Ilajulajunosi ŋiboorei ŋulu imetotor iyes ŋameeli, nyepedosi akiketar epir ŋolo eyai nameeli, kori nyepedosi akiguror ŋanaŋgae topetar. Ekoraryo nai ŋiboro ŋulu alalak ŋulu aŋatunitae, ŋikaŋwalak daŋ, eŋatarete ŋiboro ŋul.

Isa. 35:6

eporete nai ŋikaŋwalak ikwa ŋatili ka eokinete ka alakara ŋulu sek ikajikajasi. Elomunete ŋakipi analoŋisat ka eleleiyarete ŋakipi anayona a ŋuna analoŋisat,

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Sakar 11:11

Aŋun, aponi kikisarae acamunet akoloŋit ŋin. Eteete ŋimucurus a ŋamesekin etiyae ayoŋ ŋun, ido apotu toyenut atemar erworo Ekapolon alotooma ŋuna etiyae ayoŋ.

Sakar 11:7

Aŋun, apotu ŋimucurus a ŋamesekin a ŋuna erae toŋolae okolimokis ayoŋ acok ŋamesekin kec, ido abu ayoŋ oruwor ekeyokon a ŋamesekin a ŋun. Abu ayoŋ olemu ŋibelae ŋiarei, onyara ekiro ke epei ebe, “Ajokis” ka ŋoloce ebe, “Akimorikina,” Abu ayoŋ eyok ŋamesekin ŋun.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 15:12

Potu nai ŋikasyomak neni keŋ tolimokis iŋes temasi, “Iyeni iyoŋ atemar abu takadak Ŋiparisayon, iirarete ŋakiro ŋuna ilimuni iyoŋ a?”

Mat. 18:31

Ani eanyuwarete ŋiketiyak ŋuluce ŋakiro ŋun, tobul nooi toloto tolimokis ekecekapolon ŋuna daadaŋ apotu totakanut.

Mat. 20:7

Toboŋokis ikes iŋes temasi, ‘Emam ro ituŋanan ikinyaraiya isua lotic.’ Tolimok iŋes ikes tema, ‘Toloto iyes daŋ etic lomanikor kaŋ ŋolo ke epiini.’

Luk. 14:13

Nai ani itemokini iyoŋ akimuj, tonyarau ŋikulyak, ŋikecodok, ŋikaŋwalak ka ŋimudukanotin.

Luk. 14:20

Tema nabo ece, ‘Ariŋa tokona ayoŋ eitari, a ŋakiro a ŋun, nyapedori ayoŋ abunore.’

Luk. 14:22

Ani irikakini eketiyan ŋun daadaŋ, tolimok ekapolon keŋ tema, ‘Ekapolon, etiya ayoŋ daadaŋ, ikwaŋina ilimunitor iyoŋ, nai eriŋa iwace elolom.’

Luk. 14:24

Akalimokini ayoŋ iyes atemar, emam tari ipei alokidiŋ ŋulu enyaraunitae ŋini epedori akiir akimuj kaŋ!’”

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Luk. 9:10

Ani eboŋunete Ŋikiyakia, tolimokis Yesu ŋakiro ŋuna apotu ikes kitiyata. Ya Yesu ikes neni asilon diyete etaun ŋolo anyaritae Betesaida.

Yoa. 9:39

Tolimu nai Yesu tema, “Abunit ayoŋ nakwap atubonokin, ikotere ŋulu sek emudukaka ekienyunete, ido ŋulu sek ekienyete tomudukakyata.”

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.

1 Sam. 25:12

Aŋun, apotu ŋisorok a Daudi ŋul toboŋosi neni a Daudi, tolimokis iŋes ŋakiro a Nabal daadaŋ.