Luk. 14:13 - Ebaibul

¹³ Nai ani itemokini iyoŋ akimuj, tonyarau ŋikulyak, ŋikecodok, ŋikaŋwalak ka ŋimudukanotin.

Luk. 14:13 Iomraidhean Croise

2 Sam. 6:19

Tosodi nai tokorak akimuj lotuŋa daadaŋ. Ŋituŋa a Isirael daadaŋ, ŋaberu ka ŋikilyok, abu ŋinituŋanan toryamu, amugati adio, akiriŋ adio ka ŋaboboryo ŋadi ŋuna erukitoe esibit ŋamugati. Ani irikakin, ŋakiro ŋun daadaŋ, toboŋosi ŋituŋa daadaŋ lorerya kec.

2 Ŋakiro a ŋirwa 30:24

Apotu ŋirwa ŋul kitiyakin, anerae abu erwosit Esekia ŋolo a Yudaya inak ŋituŋa ŋimoŋin aliput ka ŋamesekin ŋalipyo ŋakanikaarei aŋuna a ŋainakineta, apotu ŋikapolok daŋ inakis ŋituŋa ŋimoŋin aliput ka ŋimesekin ŋalipyo ŋatomon. Apotu ŋisacaradotin ŋulu alalak nooi kitaleunos.

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Neem. 8:12

Apotu nai ŋituŋa daadaŋ toloto lorerya kec akimuj ka akimat, inanakis ŋamuja ŋace neni a ŋulu amam ibore etemokinito akimuj ka tolelyana nooi, anerae apotu toyenut ŋakiro ŋuna alimokinio ikes.

Yob 29:13

Ŋituŋa daadaŋ ŋulu a ŋipapan, apotu okogatakis ayoŋ ŋarereŋisyo, ido abu ayoŋ oinak ŋapuseru alelyan alotai kec eosi.

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 22:9

Eryamuni ituŋanan ŋini emorete ka ŋuluce ŋiboro ŋulu eyakar arereŋu, anerae emorete iŋes ka ŋikulyakanotin akimuj keŋ.

Isa. 58:10

ani kiinakis iyes akimuj kus neni a ŋini enyamit akoro, ido kiŋarakis ŋulu iteryamunitae ŋican, etakanuni nai ajokis kus ŋina sek nyetakani, edaun akiyaloloŋ kus ileereuni ajokis kus ikwa akoloŋ kidiŋ apaaran.

Isa. 58:7

Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Mat. 15:30

Potu ŋasepico a ŋituŋa ŋuna alalak neni keŋ eyaunito ŋikadyakak, ŋikaŋwalak, ŋimudukanotin, ŋikecodok ka ŋituŋa ŋulu pa erworosi ta ŋice daŋ ŋulu alalak. Kiwuakis ikes nakejen a Yesu, kitaŋaleu Yesu ikes.

Mat. 22:10

Toloto nai ŋipi lorotin, tonyaraut ŋituŋa daadaŋ ŋulu aryamunete ikes ŋulu aronok kaapei ka ŋulu ajokak; kilelebun ŋipeyok kai ŋina ke ekiitanu.

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Luk. 14:12

Tolimok nai Yesu ekepukan daŋ ŋolo anyaraunit iŋes tema, “Ani icamit iyoŋ akisimuj ŋituŋa, nyinyarau ŋikonikonei kori atalokaato kon kori ŋikoniyeneta ka ŋikidunyet ŋulu erae ŋikabarak, anerae ikinyaraete ikes daŋ iyoŋ, tosodi totaca ŋuna aris iyoŋ kitiya neni kec.

Luk. 14:14

Iryamuni iyoŋ arereŋu, anerae emam ikes ibore ikiinakinete iyoŋ. Ikitaci iyoŋ Akuj akoloŋit ŋina eyaruniata ŋituŋa ŋulu ajokak.”

Luk. 14:21

“A nen, abu eketiyan toboŋo tolimok ekapolon ŋakiro ŋun daadaŋ. Toŋo elope ŋasuban nooi, tolimok eketiyan keŋ tema, ‘Tonyou atipei kirimo lomaketa daadaŋ ka kidiŋ ŋakais ŋuna ke etaun a lo, tosodi iyau nege ŋikulyak, ŋikecodok, ŋimudukanotin ka ŋikaŋwalak.’

Ŋitic. 9:39

Torukosi nai Petero ka ikes. Ani edoli, yaarae nagule ŋina ayai kidiama. Awuasi ŋapuseru daadaŋ alodiyete Petero, kigworos ka kitoodikis iŋes ŋikiteiteyo ka ŋikotyo ŋulu kitiyauni Tabisa eriŋa erukito ka ikes.

Ŋikis. 14:29

ikotere ŋilepi ikwapei nyeryamunitotor ikes akwap ŋina ekorakinitae ikes ŋina eruwor ŋina kec eryamunete akimuj ŋina itemokino kaapei ka ŋigelae, ŋikokyok ka ŋapuseru ŋituŋa ŋul ŋulu eya lotaunio kus, ikiterereŋi iyes Ekapolon Akuj kus aloticisyo a daadaŋ a ŋulu itiyaete iyes.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:14

Tolelyana anasuban kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi, ŋigelaanotin, ŋikokyok ka ŋapuseru, ŋituŋa ŋulu iboiyete alotaunio kus.

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

Tito 1:8

Itemokino iŋes erae ŋolo ijaununui ŋituŋa daadaŋ, tomina ibore ŋini ajokan daadaŋ. Itemokino iŋes erae ŋolo ecayete ŋatameta, ŋolo iyookino, ŋolo itoodiunito ŋipitesyo keŋ atemar iwuapit iŋes ŋakiro ŋuna ka Akuj; torae ŋolo iyokuuno bon.

Pil. 1:7

Lokaato, aryamu ayoŋ alelyan ŋina alalan ka atitinyu aŋuna ka amina kon, anerae italaka iyoŋ ŋitai a ŋituŋa a ŋulu ka Akuj.

Ŋibur. 13:2

Nyikimuryak iyes aŋaunun ŋituŋa ŋulu gelae lorerya kus. Ayakasi ŋulu apotu kitiyata ŋun, ido apotu toŋaut ŋimalaikan pa eyenete atemar arae ikes ŋimalaikan.