Luk. 13:35 - Ebaibul

³⁵ Topupokisi tokona, imyekinio Akai kus ŋina ka Akuj. Akalimokini ayoŋ iyes kire atemar, nyikiŋolikinete iyes ayoŋ nabo akitodol akoloŋit ŋina itemaryata, ‘Erereŋ ŋolo ebunit alokiro a ŋolo ke Ekapolon!’ ”

Luk. 13:35 Iomraidhean Croise

Ŋikiru. 118:26

Erereŋ ŋini ebunit alokiro ke Ekapolon. Ikilakar isua neni kus a ŋulu iponito Kai ke Ekapolon.

Ŋikiru. 69:25

Kimyek alomari kec toruwor ŋauyoŋoroto; nyicamak ituŋanan kec idio idoŋi kiboi aloeemae kec,

Isa. 52:7

Etya ai alokidiama ŋimoru ajokis a abunore a ekiyakia a ŋolo iserae ŋakiro ŋuna ke ekisil, ŋolo eyaunit ŋakiro ŋuna ajokak, ŋolo iserae ŋakiro ŋuna ka aiuno ebala lotuŋa a Sion, “Erae Akuj kus Erwosit.”

Yer. 22:5

Nai ani pa kiwuapa iyes ŋakiro ŋun, ekoŋi ayoŋ Ekapolon atemar eruwor Akai na ereŋorot.”

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Luk. 19:41

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol,

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Yoa. 12:13

Apotu kigyenyut ŋaten ŋuna ke ekiŋol, toloto akisiryam iŋes ecelasi ebasi, “Osanna! Erereŋ ŋolo ebunit alokiro ke Ekapolon! Erereŋ Erwosit ŋolo a Isirael!”