Luk. 13:34 - Ebaibul

³⁴ “Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Luk. 13:34 Iomraidhean Croise

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Ŋikiru. 149:2

Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

Ŋikiru. 17:8

Kiyokoi ayoŋ lopite ŋolo iyokitere ecopot ŋolo ka akoŋu; kiwuae ayoŋ alopite a ŋolo iwuaya akokoroit ŋicwi anabebenuk keŋ,

Ŋikiru. 36:7

Ejok nooi amina kon ŋina nyiryaŋiryaŋa, okoe Akuj! Eryamunete ŋituŋa daadaŋ aiuno aneni kon lopite ŋolo eiunotor ŋicwi anabebenuk a toto kec.

Ŋikiru. 57:1

Okoe Akuj kisyonitetei ayoŋ, kisyonitetei ayoŋ, anerae neni kon iŋes aiunia ayoŋ akiyar kaŋ; akitodol ŋina edaunotor ŋinyas.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Ŋikiru. 91:4

Ikimukori iŋes iyoŋ nyiloma locan, ido iryamuni iyoŋ neni iunor aneni keŋ; ikwaanikin akikinyoma keŋ ka aupal ŋina ikiuni alojie.

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 26:23

Apotu ŋituŋa ŋul torikut Uria neni a erwosit Yeoiakim, abu nai Yeoiakim toar Uria a ekileŋ, kimasak akuwan keŋ nakibois ŋina enukio ŋituŋa.

Yer. 35:14

Apotu ŋituŋa kiwuapa akiciket ŋina abu Yonadab lokoku a Rekab tolimok ŋiletok keŋ atemar nyemata epiini, tari tokona nyemasete ikes epiini, anerae ewuapa ikes ŋakiro a papaa kec. Nai adau ayoŋ elope akirwor neni kus ŋarwa ŋuna alalak, ido nyiwuapa iyes ŋakiro kaŋ.

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Sakar 1:4

Nyikwaanikinosi ka atapapaa kus, a ŋulu apotu ŋikadwarak paaran kiserakis ŋakiro nu ebe, ‘Ebala Ekapolon ŋolo Etiron, toboŋutu alopitesyo kus a ŋulu ka aronis ka anakitiya aronis. Nai apotu ikes nyiirasi ŋun, kori nyiwuapakis ŋakiro kaŋ.’

Mat. 22:3

Kiyakiya ŋipi keŋ anyarare ŋituŋa ŋulu anyaritae nasuban, nai apotu ŋituŋa ŋul towout aponare.

Mat. 22:6

Kikamut ŋuluce ŋipi, kibuŋata ka tobolyatar.

Luk. 15:28

“Toŋo edya ŋolo apolon nooi, towou alomar tooma lore; tosodi tolomu papa keŋ kiŋa, kimaima iŋes tema, ‘Tolomu tooma.’

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”

Luk. 23:28

Nai toboboŋ Yesu, kiŋolik ikes tolimok tema, “Ŋaberu ŋuna a Yerusalem! Nyigworosi aŋuna kaŋ, nai kigworos aŋuna kus ka aŋuna a ŋidwe kus.

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

Ŋitic. 7:59

Ani erubakinete ikes ecakete iŋes, kilip tema, “Ekapolon Yesu, kijaa etau kaŋ!”

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.

Rus. 2:12

Ikiropi iyoŋ Akuj aŋuna ke etic kon ka irikakini Akuj ŋina a Isirael akirop iyoŋ, Akuj ŋina erae neni keŋ ibu iyoŋ aryamunia aiuno.”