Luk. 13:25 - Ebaibul

²⁵ Kedau elope ŋolo ke ekal anyoun togol ekek, iwuoyete iyes alokiŋa, kisyakis akikoŋikoŋ ekek ibasi, ‘Ekapolon, toŋaarae isua olomutu!’ Eboŋokini iŋes tema, ‘Nyayeni ayoŋ neni iponitotor iyes!’

Luk. 13:25 Iomraidhean Croise

Akisy. 7:16

Toloma ŋinibore daadaŋ nataker, a ŋolokabila ŋinikile ka ŋiniberu, ikwapei ecikitor Akuj Noa. Ani keloma Noa nataker togolok Ekapolon epuke.

Ŋikiru. 32:6

Aŋun, emaikina ituŋanan daadaŋ ŋini enupit neni kon kilip neni kon; anapakio a ŋuna a ŋican a ŋulu alalak nyeryamunete ikes ŋican ŋul.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Luk. 13:27

Eboŋokini nabo iŋes tema, ‘Nyayeni ayoŋ neni iponitotor iyes, katosi aneni kaŋ, iyes ŋulu itiyaete ŋakiro ŋuna aronok!’

Luk. 3:8

Kitiyata ŋiticisyo ŋulu itoodiunete atemar ikiwa iyes kire ŋasecisya kus. Tojoŋoto atemar alotai kus erae Aburaam papa kus. Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Luk. 6:46

“Kaanukiro ikinyaritotor iyes ayoŋ ‘Ekapolon, Ekapolon,’ nyitiyaete bo ŋuna akalimokini ayoŋ iyes?

2 Ŋikor. 6:2

Anerae ebala Akuj: “Ani ŋina adolyo apaki ŋina kitoodiunet ajokis kaŋ, abu ekeira iyes; ani ŋina adolyo akoloŋit ŋina akaiunia iyes, abu ayoŋ ekeŋarak iyes.” Kiirasi! Erae tokona na apaki ŋina ryamunet ajokis ŋina ka Akuj, erae tokona na Akoloŋit ŋina ka aiuno!

Ŋibur. 12:17

Iyenete iyes kire atemar ekaku a ŋun, abu iŋes kiitan aryamun arereŋu aneni a papa keŋ; nai aponi toŋeroe iŋes, anerae pa apedorit iŋes aryamun epite ŋolokilocokinet ŋuna sek aris iŋes kitiya, tari ŋina abunio iŋes kikalounio iwarit akilocokin.