Luk. 13:19 - Ebaibul

¹⁹ Ikoni neta: elemuni ituŋanan icokit ŋini ikoni ŋini ke ebobore, min todupak lomanikor keŋ. Ani erupuni, topoloor nooi toruwor ekitoe, potu ŋikyeny toduko ŋakais kec naten keŋ.”

Luk. 13:19 Iomraidhean Croise

Eete a Ŋie. 4:12

Iiuna iyoŋ ikwa emanikor ŋolo ewuatae, nakaato kaŋ, ateran kaŋ, iiuna iyoŋ ikwa ecowa ŋolo ewuatae ka eitanit ŋolo egolol.

Eete a Ŋie. 4:16

Ekuwuam ŋolo alo Kuju tonyou, ekuwuam ŋolo alo Kwap bua! Tokut lomanikor kaŋ, ikotere eure ŋolo ke emanikor kaŋ ielakin akwap. Emaikina ŋolominat kaŋ bu lomanikor keŋ, kimuj ŋaraito a emanikor ŋuna ajokak nooi.

Eete a Ŋie. 6:2

Atiyaar ŋolominat kaŋ lomanikor keŋ, alot iŋes neni iturupere ŋicok a ŋikito a ŋulu akukunyok. Alot iŋes akitan ŋikito lomanikorin ka akicun ŋatur a ŋicomocomo.

Eete a Ŋie. 8:13

iyoŋ ŋolo iboi alomanikorin epupete ŋarukitos kaŋ etoil kon, kimyekinae ayoŋ eira etoil kon.

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Esek. 31:6

Apotu ŋikyeny a ŋikabilae a daadaŋ toduko ŋakais kec naten a ekitoe a ŋol. Apotu ŋityaŋ ŋulu ka ariet touryata lotolim a ekitoe a ŋol. Apotu ŋituŋa a ŋakwapin kiboiyoto alotolim a ekitoe a ŋol.

Dan. 4:12

Ebusak ŋakwii keŋ nooi, alalak ŋaraito keŋ nooi, abu ekitoe ŋol kiteryamu daadaŋ akimuj. Apotu ŋityaŋ ŋulu ka ariet toryamut etolim alokwap ekitoe ŋol, apotu ŋikeny toduko naten keŋ, apotu ŋisubuna daadaŋ toryamut akimuj kec alokitoe a ŋol.

Dan. 4:21

ekitoe ŋolo ebusak ŋakwii keŋ ka alalak ŋaraito keŋ nooi, ekitoe ŋolo abu kiteryamu daadaŋ akimuj, ekitoe ŋolo apotu ŋityaŋ ŋulu ka ariet kiboiyoto, ŋolo apotu ŋikyeny toduko ŋakais kec naten keŋ.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Mar. 4:30

Kiŋit Yesu ikes tema, “Nyo isikwaanere Apukan ka Akuj? Isikwaanio kan akitadapet ani?

Luk. 17:6

Toboŋok Yesu ikes tema, “Kerae tari todit anupit kus totya icokit ŋini ikoni ŋini ke ebobore, kipedosi alimokin ekitoe lo atemar, ‘Torutun anataagor, min torup ananam!’ Iirari iŋes.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 4:4

Nai apotu ŋituŋa ŋulu alalak, ŋulu apotu kiirasi ŋakiro a Ŋikiyakia tonupa; toapik ekimar a ŋikilyok ŋalipyo ŋakan.

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”