Luk. 13:17 - Ebaibul

¹⁷ Ani elimuni Yesu ŋun, kiruma ŋikeemoi daadaŋ ŋileec. Nai alakara asepic daadaŋ, anerae ajokak ŋakiro ŋuna etiyae Yesu.

Luk. 13:17 Iomraidhean Croise

Ŋikiru. 109:29

Kimyek ŋulu ekesitakinito ayoŋ tobutasi ŋileec, kiluluyasi ikes ŋileec lopite ŋolo ikiluluyarya ekaaso.

Ŋikiru. 111:3

Epolok nooi ka eiliilete ŋiticisyo ŋulu ke Ekapolon, erae akiyookino keŋ ŋina a ŋikaru ka ŋikaru.

Ŋikiru. 132:18

Esurumi ayoŋ ŋimoe a erwosit a ŋol ŋileec, nai apukan keŋ, elosi kiŋaren ejok ka egogoŋior.”

Ŋikiru. 40:14

Kimyek daadaŋ ŋulu iwarito alemar akiyar kaŋ kisurumae ŋileec ka ŋibiler; kimyek daadaŋ ŋulu elakara aŋuna a ŋican kaŋ kiritarae ekadakinit.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Luk. 14:6

Nai nyepedosi ikes aboŋokin Yesu adiokirot.

Luk. 18:43

Tokienyu iŋes atipei, kiwuapak Yesu ipuro Akuj elakara. Ani iŋolikini asepic a ŋituŋa ŋakiro ŋun, kipur Akuj.

Luk. 19:48

nai toŋopik ikes epite ŋoloaret iŋes, anerae apupete ŋituŋa daadaŋ ŋakiro a Yesu, emam ŋini acamit tari apeikirot ebucar.

Luk. 20:40

Anerae apotu Ŋisadukayon tokera akiŋit iŋes ŋakiŋiseta ŋace.

Ŋitic. 4:21

Tosodi Atukot kicik ikes nabo nooi, kimyek nai ikes toloto. Todaun Atukot epite ŋolokisicanet ikes, aŋuna epurotor ŋituŋa daadaŋ Akuj, ikotere ŋakiro ŋuna apotu kitiyakinos;

2 Tim. 3:9

Nai nyerubakinete ikes itiyaete ŋun, anerae eyenunete ŋituŋa daadaŋ abaŋao kec. Ŋunapei ŋun apotu totakanikis neni a Yane ka Yambure.

Tito 2:8

Kirwor ŋakiro ŋuna ileereete ŋuna nyitepegio, ikotere ŋiketepegak yok isurumyo ŋileec, anerae eŋopete ŋakiro ŋuna aronok ŋuna ikitoroniyaryata ikes iwon.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.