Luk. 13:14 - Ebaibul

¹⁴ Nai abu ekapolon ŋolo ke esinagoga toŋo aŋuna etaŋaleunio Yesu aberu akoloŋit ŋina a Sabato, ido tolimok ŋituŋa tema, “Eya ŋirwa ŋikanikapei ŋulu itemokino kitiyaata etic; itemokino aponare akitaŋaleuno ŋirwa ŋul, meere akoloŋit ŋina a Sabato!”

Luk. 13:14 Iomraidhean Croise

Awos. 20:9

Kitiyata ŋiticisyo kus daadaŋ ŋirwa ŋikanikapei.

Awos. 23:12

“Kitiyata ŋiticisyo kus ŋirwa ŋikanikapei, nai ani edoli akoloŋit ŋina a ŋakanikaarei, emaikina kieŋut, ikotere ŋimoŋin ka ŋisigirya kus daŋ kieŋut, tosodi kieŋu epito ŋolo euritae alokalya kus ka kieŋu igelaanot ŋini iboiyete ka iyes.

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 34:21

anerae ipotu iyes kijukasi ŋuna asenyak a ŋikorei ka a ŋiseketa ka ipotu iyes kigumugumoosi a ŋamomwar kus ŋuna apalag alobaren daadaŋ, akitodol ŋina ielaryata iyes ikes neni alwanan anamesekin a ŋunace.

Ŋilep. 23:3

“‘Kitiyata etic ŋirwa ŋikanikapei bon, nai akoloŋit ŋina a ŋakanikaarei erae ŋina a Sabato ŋina ka akieŋun. Erae akoloŋit ŋina asegan ŋina icunakinotor iyes iwapei kilipa. Nyemaikina iyes kitiyata etic edio aneni daadaŋ iboiyoto iyes. Erae akoloŋit ŋin Sabato ŋina ke Ekapolon.

Mat. 12:2

Nai ani iŋolikinete Ŋiparisayon ŋun, tolimokis Yesu temasi, “Toanyuwa, itiyaete ŋikasyomak kon ŋuna italeo akitiya akoloŋit ŋina a Sabato.”

Mar. 5:22

Bu ekapolon ŋolo ke esinagoga daŋ epei ŋolo anyaritae Yairo. Ani iŋolikini iŋes Yesu, toramakin nakejen keŋ,

Luk. 6:11

Toŋoa ikes nooi, kisyakis atukun ŋuna kitiyakina neni a Yesu.

Luk. 6:7

Eteunito ŋiketatamak a Ŋikisila ŋice ka Ŋiparisayon, erae kitaŋaleuni Yesu ituŋanan akoloŋit ŋina a Sabato, ikotere eryamuniata ŋakiro ŋunakisitakinet iŋes.

Luk. 8:41

Bu ekile ŋolo anyaritae Yairo, ŋolo apolokinit esinagoga. Toramakin kiŋaren Yesu, kimaima iŋes abunore kai keŋ,

Ŋitic. 13:15

Ani kesyomi ekitaabo ŋolo a Ŋikisila a Moses ka ŋakigireta ŋuna a ŋikadwarak, kiyakikis ŋikapolokinitok esinagoga ikes akirot ebasi, “Ŋikaitotoi, ani keyai iyes akirot ŋina isimukekini ŋituŋa, tolimutu.”

Ŋitic. 18:17

Kikamut ikes daadaŋ Sostene ekapolokiniton esinagoga, kibuŋata iŋes alokiŋaren eikiiko. Nai nyemitak Galio ŋun tari iwadio.

Ŋitic. 18:8

Tonupa nai ekapolokiniton esinagoga ŋolo arae ekiro keŋ Kirispo ka ekal keŋ daadaŋ Ekapolon Yesu. Ani iirarete ŋituŋa ŋulu alalak ŋulu alo Korinto ŋakiro ŋun, tonupa, kibatisae.

Ŋirom. 10:2

Apedori ayoŋ aruwor esuuda kec atemar erae ikes ŋulu elelakinito anupit Akuj. Nai ibatara alelakinit kec.

Ŋikis. 5:13

Kitiyata ŋiticisyo kus daadaŋ ŋirwa ŋikanikapei.