Luk. 12:48 - Ebaibul

⁴⁸ Nai ŋolo itiyae ŋuna aronok pa eyeni ŋuna ecamit ekapolon keŋ, ibuŋae ekapolon keŋ iŋes iwadio. Ituŋanan daadaŋ ŋini einakinitae ibore ŋini alalan, iitanio ŋini alalan aneni keŋ ka ŋini icikakinito ŋituŋa ŋiboro ŋulu alalak, iitanio aneni keŋ ŋulu alalak adepar.

Luk. 12:48 Iomraidhean Croise

Ŋilep. 5:17

“Ani kesec ituŋanan idio alokidiŋ kus pa iredakinit, kitiya ŋuna nyecamakinito ŋakiciketa ŋuna ke Ekapolon, adau ituŋanan ŋin akisec, ido emaikina kisicanae.

Ekim. 15:27

“‘Ituŋanan ŋini eseci pa iredakinit, emaikina inak neni ke Ekapolon akale ŋinameot ŋina erae apolou keŋ ekaru epei erae ainakinet aŋuna ka asecit.

Mat. 13:12

Anerae ituŋanan ŋini eyakar ibore, iyatakinio tolalaar, nai ŋini emam ibore eyai, elemaryo tari ŋinidio cici ŋini sek ayakar iŋes.

Mat. 23:14

“Ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Imodiyanarete ŋiboro anakais a ŋapuseru, ka itusubuna ŋikanupak alotooma akilip kus ŋina aoyan. Iryamunete iyes atubokino ŋina apolon nooi.]

Luk. 12:41

Kiŋit Petero Yesu tema, “Ekapolon, isua make ilimunitor iyoŋ akitadapet na kori ŋituŋa daadaŋ?”

Luk. 12:49

“Abunit ayoŋ ayaun akim nakwap, okoe kerae toris tokona kerirau!

Luk. 16:2

Tosodi ekapolon tonyarau iŋes kiŋit tema, ‘Anukiro nu ŋuna apupi ayoŋ atemar itiyae iyoŋ? Kitoodikinae cenite ekimar a ŋiboro kaŋ daadaŋ, anerae acepaki nyirubakini iyoŋ irae eketiyan kaŋ.’

Yoa. 15:22

Kerae nyabunit ayoŋ, esirwor ikes, kemam ikes asecit; nai tokona emam epite ŋolo etemaryata ikes, ‘Nyikisecit.’

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋikis. 25:2

ani kemaikina todaae ŋini nyiyookino ŋakiro keŋ, emaikina ekatubon ŋakiro tolimok ituŋanan ŋin toper alokwap, ido todaae iŋes alokiŋaren ituŋanan ŋini eburato ka iŋes, toramae iŋes ŋaramet ŋuna etubunitoe aŋuna ka aronis a ŋina itiyat iŋes.

1 Tim. 1:11

Emaasi akitatamet ŋin ka Ŋakiro ŋuna Ajokak ŋuna aponi ekecikakin ayoŋ akisera, Ŋakiro ŋuna Ajokak ŋuna elimorito apolou ŋina ka Akuj a ŋina erereŋ.

1 Tim. 1:13

tari paaran keyanyit ayoŋ iŋes kori kesicanit kori ketoŋoit; nai aponi ekesyoni ayoŋ, anerae apaki ŋin, pa anupit ayoŋ Kristo; aŋun, pa ayeni ayoŋ ŋuna etiyae.

1 Tim. 6:20

Timoteo, kidar ejok ŋuna ikicikakin iyoŋ akidar. Toŋer ŋakiro ŋuna nyecamakina aneni ka Akuj ŋuna koŋinae ka ŋipegeta ŋulu enyarito ŋituŋa ŋice atemar “Aosou.”

Tito 1:3

ka anapaki a ŋina eyookino, abu kisileereu akiikinet ŋin anakirot keŋ. Abu Akuj, ŋina erae Akaiunan yok, ekecikak ayoŋ alimonokin ŋakiro ŋun neni a daadaŋ.

Yak. 3:1

Ŋikaitotoi kaŋ, nyitemokino iyes ŋikalalak iruworosi ŋiketatamak; ikwaŋina iyeniata iyes atemar, ikitubokinio iwon ŋiketatamak ka agogoŋu akilo ŋuluce.