Luk. 12:42 - Ebaibul

⁴² Toboŋok Yesu tema, “Ŋae bo erae eketiyan ŋolo aoson ŋolo kikinyoma, ŋolo iwuakini ekapolon toruwor ekapolokiniton ŋolo a ŋiketiyak keŋ, tokoranakini ikes akimuj apaki ŋina ecamitere?

Luk. 12:42 Iomraidhean Croise

Awos. 36:4

Aŋun, apotu ŋipiiryanotin anakiduk ŋulu etiyaete ŋiticisyo ŋulu agelegelya anakiduk akibois ŋina Asegan, kimyekis ŋiticisyo kec,

Ŋakit. 12:8

Ani keos ituŋanan, ipurete ŋituŋa iŋes, nai ani kebaŋaana ituŋanan, ejamuwarete ŋituŋa iŋes.

Ŋakit. 15:23

Ani keboŋoki ituŋanan ŋakiro ŋuna iŋisitae iŋes erae ŋuna iyookino, eyakaun alelyanu neni a ŋinituŋanan, ejok akirot ŋina ikilimokinio atipei nyelunyara apaki.

Ŋakit. 27:18

Ituŋanan ŋini edupi ŋiboboryo, enyami ŋaraito a ŋiboboryo a ŋul, ituŋanan ŋini iyokit ekapolon keŋ ejok, einakinio apolou.

Ŋakit. 31:15

Isyokanakini iŋes anyounun eriŋa akuwar kidorok akimuj aŋuna a ekal keŋ, ido kitemonok ŋiticisyo aŋuna a ŋaketiyak keŋ.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Yer. 23:4

Aseuni ayoŋ ŋikepukak aŋuna kec ŋulu ipukaete ikes, nyeyakaunotor ikes akuryanu nabo, kori nyekadakini, kori mam ikes ipei daŋ ŋini eŋopiyari.”

Esek. 34:3

Inyamete iyes ŋasepwa a ŋamesekin, inapete iyes ŋilowi ŋulu itiyaunitae a ŋajul a ŋamesekin ka iseete iyes ŋamesekin ŋuna atumak toara, nai nyitanete iyes ŋamesekin.

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Mat. 20:8

“Ani edoli eboŋ, tolimok elope ŋolo ke emanikor eketiyan keŋ ŋolo apolokinit ŋuluce tema, ‘Tonyarau ŋiketiyak totac ikes eropit kec, kisyak mono akitac ŋulu apote ekaku, totac nai ŋulu esyaunete aponare.’

Luk. 12:43

Erereŋ eketiyan ŋolo ŋina ebunio ekeekapolon, toryamu iŋes itiyae ikoŋina!

Luk. 7:13

Ani iŋolikini Ekapolon apuserut, kisyoni iŋes tema, “Tojoŋo akigworo.”

Luk. 7:19

Tonyara nai Yoana ŋikasyomak keŋ ŋiarei kiyakiya neni ke Ekapolon akiŋit atemar, “Erae iyoŋ itemokino ibu, kori itemokino isua edareutu ece?”

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

1 Tim. 3:15

ani keketididi ayoŋ, toyenu iyoŋ epite ŋolo itemokino iyoŋ kiboiyo alokidiŋ ŋituŋa ŋulu ka Akuj, ikes atukot a Ŋikristo ŋina erae ŋina ka Akuj a ŋina eyari. Atukot ŋin iŋes erae akigaŋet ka akiyokiyet ŋakiro ŋuna a kire.

1 Tim. 5:17

Itemokino ŋikatukok ŋulu idarito ejok atukot a Ŋikristo etacio ŋarwa ŋaarei, akilo nooi ŋulu elimonokinete, kitatamete ka alelakinit.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Ŋibur. 13:7

Totamutu ŋikarikok kus ŋulu koloŋ, ŋulu ikilimonokinete iyes ŋakiro ŋuna ka Akuj. Totamutu epite ŋolo ayakar akiyar kec ka ŋolo atwakyata; torokutu anupit kec.

Ŋibur. 3:5

Arae Moses ekile ŋolo abu Akuj kikinyom ikwapei eketiyan keŋ alokal a ŋolo ka Akuj, ido abu kiteyenu ŋituŋa ŋakiro ŋuna epote ekaku.

1 Pet. 4:10

Einakinit Akuj ŋinituŋanan alokidiŋ kus ŋainakineta ŋuna egelegelya; aŋun, ikwapei iraakatar iyes ŋulu iyokito ikes, kisitiyata ŋainakineta kus ejok aŋuna a ŋuluce.