Luk. 12:37 - Ebaibul

³⁷ Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.

Luk. 12:37 Iomraidhean Croise

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Mat. 24:42

“Aŋun totenito, anerae nyiyenete iyes Akoloŋit ŋina ebunio Ekapolon kus.

Luk. 12:36

Kikote ŋiketiyak ŋulu idarito ekecekapolon eboŋuni alokiitanu. Ani eboŋuni iŋes, ikoŋikoŋokini ekek, toŋaasi ikes atipei.

Luk. 12:43

Erereŋ eketiyan ŋolo ŋina ebunio ekeekapolon, toryamu iŋes itiyae ikoŋina!

Luk. 17:8

Mam jik! Ilimokini iyoŋ iŋes itema, ‘Tonap arapet, kidoroki akaakimuj atipei. Kidareu daŋ emuj ka omat ayoŋ mono, ani ekaku, kimuj nai iyoŋ.’

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Luk. 22:27

Nyaani ŋini epol, ŋini iboi alomesa kori ŋini ekori akimuj? Meere mono ŋini iboi alomesa a? Nai ayai ayoŋ kidiŋ kus arae ekejanakinan.

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

1 Ŋikor. 2:9

Ikwaŋina igiritere Nakigireta ebe, “Ibore ŋini nyiŋolikina ŋakonyen, kori nyiirara ŋaki, kori nyetama ŋatameta a ŋituŋa, erae ibore ŋin ŋini abu Akuj kitemok aŋuna a ŋulu eminasi iŋes.”

Ŋipil. 1:21

Anerae aneni kaŋ, Kristo iŋes erae akiyar, ido atwanare eyauni epoida.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

2 Pet. 1:11

Alopite a lo, iryamunete iyes apedor ŋinalomaret Napukan ŋina nyedaun, ŋina ke Ekapolon ka Ekaiunan Yesu Kristo.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”

Akis. 16:15

“Ebala Ekapolon, topupokisi! Abuni ayoŋ ikwa ebunio ekokolan! Erereŋ ituŋanan ŋini etenit apaki daadaŋ, ŋini eyakar ŋilowi keŋ diyete, ikotere nyelot iŋes lotuŋa emam ŋilowi kiruma ŋileec!”

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”