Luk. 12:28 - Ebaibul

²⁸ Akuj iŋes itanapi ŋinya--ŋinya ŋulu elibito tokona, nai ani moi kicunyae. Etya nai ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Luk. 12:28 Iomraidhean Croise

Isa. 40:6

Irworo etoil ebala, “Kiserau!” Eŋit ayoŋ otema, “Anukiro emaikina ayoŋ eserau?” “Kiserau atemar ikote ŋituŋa daadaŋ ŋinya, ikoni akecekibuses daadaŋ ŋatur ŋuna ka ariet.

Mat. 14:31

Kiopeiyo Yesu atipei akan keŋ, kikam iŋes tema, “Okoe edit anupit kon! Kaanukiro ibunio iyoŋ toŋayaŋaya?”

Mat. 16:8

Nai aŋuna ayenia Yesu ŋuna erworosi ikes, tolimok ikes tema, “Iraakasi iyes ŋituŋa ŋulu edit anupit, kaanukiro irworotor iyes make ibasi imamukatar ŋamugati?

Mat. 17:17

Toboŋok Yesu tema, “Iyes ŋituŋa ŋulu nyinupito ka ŋulu ioliyorito! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Mat. 6:30

Akuj iŋes itanapi ŋinya ŋulu ka ariet --ŋinya ŋulu elibito tokona, nai ani moi kicunyae. Etya ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Mat. 8:26

Toboŋok Yesu ikes tema, “Nyo ikibulitor iyes ikona? Abe edit anupit kus!” Tonyou nai Yesu, kikilyak ekuwuam ka ŋakipi, kililiŋ akwap cek.

Luk. 8:25

Kiŋit Yesu ŋikeekasyomak tema, “Ai eyai anupit kus?” Tobul ikes, toumokis kiŋitas make temasi, “Ŋae ekile lo ŋolo elimokini tari ekuwuam ka ŋakipi kiirasi iŋes lo?”

Ŋibur. 6:7

Iterereŋi Akuj ŋimanikorin ŋulu ijuwanarete ŋakipi ŋuna ka akiru a ŋina ilimi a ŋinapaki, ŋulu itolomunete ŋikinyom ŋulu ajokak aŋuna a ŋulu itatere ikes.

1 Pet. 1:24

Ikwapei igiritere Nakigireta atemar, “Ikote ŋituŋa daadaŋ ŋinya, ikoni akecekibuses daadaŋ ŋatur. Einiyarete ŋinya, ido toraraun ŋatur,