Luk. 12:20 - Ebaibul

²⁰ Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Luk. 12:20 Iomraidhean Croise

Esta 5:11

Tolimok Aman ŋituŋa ŋul alalau ŋina a ebari keŋ ka alalau a ŋidwe keŋ a ŋulusapa ta ŋadoketa a apolou ŋuna kitopoloonorya erwosit iŋes. Tolimok daŋ ikes epite ŋolo etopoloorya erwosit iŋes akilo ŋikapolok ŋuluce ka ŋiketiyak a erwosit.

Yob 27:8

anerae nyo erae akigeno a ŋulu nyiwuapito ŋuna ka Akuj apaki ŋina elemarya Akuj ikes, apaki ŋina elemarya Akuj akiyar kec?

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 49:10

Iteete ŋituŋa daadaŋ tari ŋikaosok etwakete; ŋibaŋaanotin daŋ ka ŋulu imatimataarit etwakete, ido imyaanakinete ebari kec kiruma ŋuluce.

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Ŋikiru. 78:30

Nai ani eriŋa ebobokinit ikes akimuj ŋin, eriŋa akimuj ŋin eyai nakitukwa kec,

Ŋakit. 10:2

Emam ibore ŋini eryamuni ituŋanan alobari a ŋolo eryamununuyo anakitiya aronis, nai ikiuni iyoŋ anatwanare, akiyookino.

Ŋakit. 11:4

Emam ajokis itiyakini ebari neni kon akoloŋit ŋina itwania iyoŋ, nai ikilakuni iyoŋ anatwanare akiyookino.

Ŋakit. 13:7

Itusubuna ŋituŋa ŋice ŋikabarak, tomam bo ibore eyakatar, itusubuna ŋice ŋikulyakanotin, toyakatar bo ebari ŋolo alalan nooi.

Ŋakit. 27:1

Nyiturokin aŋuna a moi taparacu, anerae nyiyeni iyoŋ ŋuna eyakaun moi taparacu.

Ŋakit. 28:8

Ituŋanan ŋini iasi egyelit a ŋiboro keŋ aryamunia epoida ŋolo alalan, eryamununui ituŋanan ŋin epoida ŋol aŋuna a ituŋanan a ŋini erimaana aneni a ŋikulyak.

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Amos 6:13

ilelyanete iyes aŋuna ikamaryata etaun Lodebar, ido ibasi, ‘Erae agogoŋu kosi bon iŋes ekamarere isua etaun Karanim.’

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Luk. 11:40

Ŋibaŋaanotin! Meere mono Akuj ŋina asubi kiŋa, asubi tooma daŋ a?

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

1 Tim. 6:7

Nyo aponi iwon yaunae nakwap? Emam ipei daŋ! Nyo ikipedori iwon akiya anakwap? Emam ipei daŋ!

Yak. 4:14

Nyiyenete iyes tari atemar ikokini akiyar kus moi taparacu ai! Ikote iyes apuru ŋina epokun atipei, ido toŋopiya.