Luk. 12:19 - Ebaibul

¹⁹ Ani erikakini otema alotau kaŋ, ee roca ekaatau! Iyakar tokona iyoŋ ibore ŋini ajokan daadaŋ ŋini ikiteyari iyoŋ ŋikaru ŋulu alalak. Kiboikin jik kieŋa, kimuj, tomat ka kileile!’

Luk. 12:19 Iomraidhean Croise

Yob 14:1

“Erae ŋituŋa daadaŋ ŋikidouno anaberu; euruwuaka ŋirwa a akiyar kec ka elalak ŋican kec.

Ŋikiru. 49:18

Tari ŋina aponiata ŋituŋa ŋul eriŋa eyarete kirworo atemar ŋulu ikirereŋ, ido apotu ŋituŋa kipuro ikes aŋuna alosyo akiyar kec ejok,

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋakit. 10:2

Emam ibore ŋini eryamuni ituŋanan alobari a ŋolo eryamununuyo anakitiya aronis, nai ikiuni iyoŋ anatwanare, akiyookino.

Ŋakit. 14:24

Ebari iŋes eruwor eropit a ŋikaosok, nai abaŋao a ŋibaŋaanotin eruwor ŋina eyenere ŋibaŋaanotin.

Ŋakit. 18:11

Ikwaan ebari aneni a ŋikabarak ka etaun ŋolo egogoŋ aŋuna edukukio ejok, anatameta kec, ikwaan ebari kec ka ŋarwatatain a etaun ŋuna aoyak.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ŋakit. 27:1

Nyiturokin aŋuna a moi taparacu, anerae nyiyeni iyoŋ ŋuna eyakaun moi taparacu.

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Osea 12:8

Alimu Epuraim ebe, “Aa! Abar ayoŋ, aryamu ayoŋ abaru aŋuna kaŋ a elope, aloboro a daadaŋ a ŋulu aryamu ayoŋ, mam aronis adio erukaun aneni kaŋ ŋina asecitor ayoŋ.”

Amos 6:13

ilelyanete iyes aŋuna ikamaryata etaun Lodebar, ido ibasi, ‘Erae agogoŋu kosi bon iŋes ekamarere isua etaun Karanim.’

Abak. 1:16

Aŋun, einanakini iŋes ŋamuronisya neni a ŋiboro keŋ a ŋulujiet, anerae earanakinete ŋiboro ŋul iŋes ibore daadaŋ ŋini ajokan.

Luk. 12:18

Totamu nai iŋes tema, ‘Aanyu ayoŋ ŋuna etiyakini: eelari ŋikaadulae, oyeu ŋulu apolok ŋulu itemokin ŋikaamomwa ka ŋiboro ŋuluce daadaŋ.

Luk. 16:19

“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ.

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

1 Ŋikor. 15:32

Inyoni nai aryamuni ayoŋ aŋuna ca ke ekibure a ituŋanan, erae ketijiye ŋituŋa ŋulu ikote ŋityaŋ ŋulu adedeŋak alo Epeso? Ani pa kiteyarun ŋikatwak, etiyata nai ikwapei elimunitere, “Emuja ka omata, anerae ikitwaki moi taparacu.”

Ŋipil. 3:19

Inyasunio ikes, anerae ekibure ŋolo a ŋawat kec iŋes erae akuj kec; iturosi ikes kan ibore ŋini itemokino kirumyata ŋileec ikes, ka eyakasi ŋatameta kec loboro ŋulu ka akwap a na bon.

1 Tim. 5:6

Nai apuserut ŋina aruwor akewariton ŋuna italakarito akuwan keŋ, adau atwanare, tari keriŋa eyari.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

2 Tim. 3:4

eruworosi ŋikalukinok, ŋulu enyamete ŋakiro emwaka, ŋulu ileleba akituro, ŋulu eminasi ekibure ŋolo ka akuwan bon, akilo amina Akuj;

Yak. 5:5

Iboiyoto iyes anakwap alotooma ajakao ka alakara; ituma iyes, esibit itemonokinosi aŋuna ka akoloŋit a ŋina ikiŋolere.

1 Pet. 4:3

Ipotu iyes yaa apaki ŋina aoyan alorwa a ŋulu alunyar itiyaete ŋuna a ŋulu nyenupito Akuj: anasiilyanut, alokibure a ŋolo a ŋawat kus, anamera ka anaronis a ŋina ilipyata ŋakujo ŋuna itiyaunitae.

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

1 Sam. 30:16

Toriko esorokit ŋol Daudi totiyaaror kwap, toryamut ikes ŋikaremok kec kielakin nakwap kec, imujete ka emasete kidoŋaete, anerae aŋatunito ikes ibore daadaŋ elal nooi anakwap a Ŋipilistin ka anakwap a Yudaya.