Luk. 11:9 - Ebaibul

⁹ “Aŋun, akalimokini ayoŋ iyes atemar, kiŋita, ikiinakinio; kiwara, iryamunete; kikoŋikoŋo, ikiŋaaryo.

Luk. 11:9 Iomraidhean Croise

Ŋikiru. 118:5

Abu ayoŋ alocan kaŋ onyara Ekapolon, abu Ekapolon okoboŋok ayoŋ, tolema ŋican kaŋ.

Ŋikiru. 27:4

Ibore ipei ŋini eitanit ayoŋ, ŋini adau ayoŋ akiŋit Ekapolon; iŋes akiboi alo Kai ke Ekapolon ŋirwa daadaŋ ŋulu ka akiyar kaŋ, arubakini ete akibuses ŋina ke Ekapolon ka akiwar acamit keŋ alo Kai keŋ.

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 34:10

Epedori akoro akinyam ŋiŋatunyo aŋuna icanatar ibore ŋini nyamat, nai ikes ŋulu itopoloorito Ekapolon, mam ibore ŋini ajokan ŋini icanasi.

Ŋikiru. 34:4

Abu ayoŋ elip neni a Ekapolon, ido abu okoboŋok ayoŋ; abu Ekapolon okolaku ayoŋ, aneni a ŋulu acamito akiteryamun ayoŋ ŋican.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Eete a Ŋie. 5:6

Abu ayoŋ oŋaa epuke aŋuna a ŋolominat kaŋ, nai keris ŋolominat kaŋ kerotoki, keaka, abu sek etau kaŋ tolakar eirari iŋes irworo. Abu ayoŋ oŋoleŋole iŋes nen, nai abu nyeŋolik, abu ayoŋ onyara iŋes nai abu nyeboŋok.

Isa. 45:19

Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Yer. 29:12

Tosodi, ani ikinyaraete iyes ayoŋ, ido potu akilip neni kaŋ, ekeirari ayoŋ iyes.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Mat. 21:31

Ali alosapa a ŋuluarei a ŋul abu kitiya ŋuna acamit papa keŋ?” Toboŋokis ŋituŋa temasi, “Ŋolo apolon.” Tolimok Yesu ikes tema, “Akalimokini ayoŋ iyes kire atemar, elomarete ŋikerirak ocur ka ŋamalaae Napukan ka Akuj eriŋa iyes.

Mat. 6:29

Nai akalimokini ayoŋ iyes atemar, tari Solomon ŋolo asirit nooi, amamukar ŋilowi ŋulu ebusak ŋulu ikote ŋatur ŋun.

Mar. 11:24

Aŋun, akalimokini ayoŋ iyes atemar, ŋinibore iŋitasi iyes ilipete ka tonupito atemar idaut aryamun, iryamunete iyes.

Mar. 13:37

Ŋuna akalimok ayoŋ iyes, alimok ŋituŋa daadaŋ. Tokienyete!”

Luk. 11:10

Anerae ŋinituŋanan iŋita, einakinio; ŋini iwarit, eryamuni; ka ŋini ikoŋikoŋi, eŋaaryo.

Yoa. 14:13

Ŋinibore daadaŋ iŋisete iyes alokiro kaŋ, etiyakini ayoŋ, ikotere kitopolooroe Papa aneni a Lokoku.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:7

Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

2 Ŋikor. 6:2

Anerae ebala Akuj: “Ani ŋina adolyo apaki ŋina kitoodiunet ajokis kaŋ, abu ekeira iyes; ani ŋina adolyo akoloŋit ŋina akaiunia iyes, abu ayoŋ ekeŋarak iyes.” Kiirasi! Erae tokona na apaki ŋina ryamunet ajokis ŋina ka Akuj, erae tokona na Akoloŋit ŋina ka aiuno!

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

Yak. 5:15

Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.

Akis. 2:24

Nai iyes ŋice alo Tyatira, nyetupa iyes akitatam ŋina aronon ŋin, nyeyenuna iyes ŋuna ebasi ŋice erae akimunono ŋina apolon ŋina a Satan. Abala ayoŋ neni kus: nyakainakini ayoŋ iyes etic ece;