Luk. 11:41 - Ebaibul

⁴¹ Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Luk. 11:41 Iomraidhean Croise

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Mat. 26:11

Anerae irukito iyes ka ŋikulyak jwi jwi, nai nyikiruki iyes ka ayoŋ jwi jwi.

Mat. 5:42

Ani kikilip iyoŋ ituŋanan ibore, inak iŋes. Ani kecamit ituŋanan akideniyor idiobore aneni kon, nyimik iŋes.

Mar. 7:19

Anerae nyelomari ibore ŋin lotau keŋ, nai nakook keŋ, tosodi tolomu kiŋa.” (Alimuni Yesu ŋun akisileereunio atemar, esegak ŋamuja daadaŋ.)

Luk. 12:33

Togyelasi ŋikusiboro daadaŋ, inakis ŋisiliŋa lokulyak. Kitiyautu ŋicweei ŋulu emam nyenyamunosi. Kiwuaa ekusibari anakuj, aneni nyediteunia tari iwadio cici, anerae emam ekokolan eapiyari nen, nabo emam esipiran ŋolo inyasuni iŋes.

Luk. 16:9

Tolimu nai Yesu tema, “Akalimokini ayoŋ iyes daŋ atemar kikoneutu ŋikonei ke ebari kus a ŋolo ka akwap a na. Ani edaun ebari kus anakwap a na, ikijaunete ikes iyes lore ŋolo eyai akiyar ŋina nyedaun.

Luk. 18:22

Ani iirari Yesu ŋakiro ŋun, tolimok iŋes tema, “Ipeibore bon ikibucit iyoŋ: togyela ibore daadaŋ ŋini iyakar iyoŋ, tokorak ŋisiliŋa lokulyak, ikotere min ebari kon nakuj. Ani ekaku, ibu ikiwuapak ayoŋ.”

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Ŋitic. 10:15

Kirworik nabo etoil neni keŋ tema, “Ibore ŋini etesegu Akuj, nyitemokino iyoŋ ibala nyeseg.”

Ŋitic. 11:29

Totyakut ŋikasyomak a Yesu atemar itemokino ŋinituŋanan alokidiŋ kec tolemu alopite a ŋolo apedorya alemun idiobore ŋini kiŋarakinet ŋikanupak alo Yudaya.

Ŋitic. 24:17

“Ani kelunyar ŋikaru ŋidi, ŋulu amamukar ayoŋ anakwap akaŋ, abu oboŋu Yerusalem ayaun ŋakiŋaranakineta ka ŋainakineta lotuŋa kaŋ.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

Ŋiep. 4:28

Tojoŋo ekademanaran ademanar, nai emaikina togeu akitiya etic, ikotere toryamu eropit aŋuna ke etic keŋ ka topedo tari akiŋarakin ŋulu iitanito akiŋarakino.

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.