Luk. 11:39 - Ebaibul

³⁹ Tolimok Yesu iŋes tema, “Itesegete iyes Ŋiparisayon ekopo kus ka asaani kus kiŋa bon, nai ileleba tooma kus ademon ka aronis.

Luk. 11:39 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

2 Ŋakiro a ŋirwa 25:2

Abu Amasia kitiya ŋuna eyookino alokiŋaren Ekapolon, nai meere a etau keŋ a daadaŋ.

Ŋikiru. 22:13

Eŋaarito ikes ŋakitukwa kec nooi neni kaŋ; ikwaan ikes ka ŋiŋatunyo ŋulu irurumaete enyamete ibore ŋini ikamunito.

Ŋakit. 26:23

Ituŋanan ŋini itojoka irworo nai toyakar ŋiman lotau keŋ, ikwaan ka eraŋgi ŋolo ebusan ŋolo iwosakinitae namot.

Ŋakit. 26:25

Ani kirwor emoit kon neni kon itojoka nooi, nyinup ŋakiro keŋ, anerae ileleba lotau keŋ ŋiman ŋulu eŋoitor iŋes nooi.

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Luk. 7:13

Ani iŋolikini Ekapolon apuserut, kisyoni iŋes tema, “Tojoŋo akigworo.”

Luk. 7:19

Tonyara nai Yoana ŋikasyomak keŋ ŋiarei kiyakiya neni ke Ekapolon akiŋit atemar, “Erae iyoŋ itemokino ibu, kori itemokino isua edareutu ece?”

Yoa. 12:6

Pa alimunit iŋes ŋun aŋuna esyonitotor iŋes ŋikulyak, nai aŋuna araakar ekokolan. Eŋadae iŋes ecwee ŋolo a ŋisiliŋa ka alemanari ŋisiliŋa ŋulu ewuakinitae tooma keŋ.

Yoa. 13:2

Ani imujete ikes eboŋ, keris Satan, aŋuna ka alukinio Yesu, keloma lotau a Yuda Isikariot, a ŋolo arae lokoku a Simoni.

Ŋitic. 5:3

Nai tolimok Petero Anania tema, “Anania, kaanukiro imyekinia iyoŋ Satan ilelebikin lotau kon, ido tomodik iyoŋ Etau ŋolo Asegan, aŋuna iwuaya ŋisiliŋa ŋice ŋulu igyelarya iyoŋ emanikor?

Ŋigal. 1:14

Eloit paaran ayoŋ Ŋiyudayan ŋulu alalak ŋulu arae ŋikesa kaŋ alotooma akitiya ŋuna ke edin a Ŋiyudayan, ka ewuapit ayoŋ ka alelakinit ŋitalyo ŋulu atapapaa kosi.

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!