Luk. 11:36 - Ebaibul

³⁶ Aŋun, ani keyai akuwan kon daadaŋ nakica, tomam akiryonut ŋina eyai tari edit, ecauni ibore daadaŋ ikwa etaa ŋolo ecai aneni kon.”

Luk. 11:36 Iomraidhean Croise

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 20:27

Erae etau etaa ŋolo a Ekapolon anakiyar a ituŋanan, isitiyae Ekapolon etau a ituŋanan ayenununia ŋuna eya neni a ituŋanan.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Mat. 5:15

Emam ituŋanan ŋini ani kinokak etaa tosodi tobuburik atuba, nai iwuakini neni ikeuna, ikotere kinuakak ŋituŋa daadaŋ alokai.

Luk. 11:35

Tocoik nyeruwor akica ŋina eyai tooma kon akiryonut.

Luk. 11:37

Ani eriŋa Yesu irworo, tonyara Eparisayot iŋes akimuj kaapei ka iŋes; toloma nai iŋes kiboikin kimuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

Ŋibur. 5:14

Nai erae akimuj ŋina nyamat ŋina a ŋituŋa a ŋulu apolok, a ŋulu ayenut anakitiya epite ŋolo etyaketa ŋakiro ŋuna ajokak ka ŋuna aronok.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.