Luk. 11:31 - Ebaibul

³¹ Akoloŋit ŋina ka atubokino, enyouni akepukan ŋina ka akwap a ŋina a Ceba akitub ŋakiro ŋuna ka anyamet a na; anerae abu iŋes koloŋ tolot erot ŋolo aoyan nooi, ebunit akiirar ŋakitatameta ŋuna ka aosou a Solomon a ŋolo arae erwosit; nai akalimokini ayoŋ iyes atemar, eyai nege ŋini epol akilo tari Solomon.

Luk. 11:31 Iomraidhean Croise

2 Ŋakiro a ŋirwa 9:1

Ani iirari arwosit ŋina a Seba arwonu a Solomon, abu bu Yerusalem akikatakin Solomon a ŋakiŋiseta a ŋuna atyoko. Abu arwosit ŋin bu Yerusalem, erukito ka ŋituŋa ŋulu alalak, emeto ŋikaala ŋulu ewokito ŋikito ŋulu akukunyok, egolid ŋolo alalan nooi ka ŋamoru ŋuna epol egyelit. Abu arwosit ŋin bu neni a Solomon, kiyana ka iŋes ŋakiro daadaŋ ŋuna ayakar iŋes.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Yer. 3:11

“Abu nai Ekapolon kirwor neni kaŋ tema, ‘Etoodiut ŋituŋa a Isirael ŋulu emam anupit kec atemar nyiilit ikes nooi aŋuna ka asecit lopite ŋolo iilitor ŋikalyokonok, ŋituŋa ŋulu a Yudaya.

Mat. 12:42

Akoloŋit ŋina ka atubokino, enyouni akepukan ŋina ka akwap a ŋina a Ceba atubokin iyes; anerae abu iŋes koloŋ tolot erot ŋolo aoyan nooi akiirar ŋakitatameta ŋuna ka aosou a Solomon a ŋolo arae erwosit. Nai eyai ne ŋolo epol akilo Solomon.

Luk. 3:22

Bu Etau ŋolo Asegan ikoni akuri min kidiama keŋ, ido kirworik etoil anakuj tema, “Irae iyoŋ Lokoku kaŋ ŋolo minat ŋolo alelyania ayoŋ.”

Luk. 9:35

Kirworik etoil alodou tema, “Erae lo Lokoku kaŋ ŋoloseuna; topupo iŋes!”

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.