Luk. 10:42 - Ebaibul

⁴² nai ipeibore bon epol. Aseu Maria ibore ŋini ajokan ŋini nyelemaryo aneni keŋ!”

Luk. 10:42 Iomraidhean Croise

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋikiru. 119:173

Ekapolon, kitemokino akiŋarakin ayoŋ, anerae aseu ayoŋ akiwuap ŋakiciketa kon.

Ŋikiru. 119:30

Aseu ayoŋ akiwuap ŋipitesyo ŋulu ka akikinyoma; ewuakinit ayoŋ ŋakiro ŋuna itubunit iyoŋ lotau kaŋ.

Ŋikiru. 142:5

Okoe Ekapolon, egworo ayoŋ neni kon abala ayoŋ, “Iyoŋ irae neni aiunor ayoŋ, iyoŋ bon ayakar ayoŋ anakiyar kaŋ a na.

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 27:4

Ibore ipei ŋini eitanit ayoŋ, ŋini adau ayoŋ akiŋit Ekapolon; iŋes akiboi alo Kai ke Ekapolon ŋirwa daadaŋ ŋulu ka akiyar kaŋ, arubakini ete akibuses ŋina ke Ekapolon ka akiwar acamit keŋ alo Kai keŋ.

Ŋikiru. 73:25

Ŋae mono ikeŋarakinan kaŋ ice eyai nakuj, meere iyoŋ bon a? Aŋuna ikirukitor ayoŋ ka iyoŋ, mam ibore ice eitanit ayoŋ anakwap.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Mar. 8:36

Alipoida eryamuni ituŋanan erae keŋata akwap daadaŋ, ido kitotwaniya akeekiyar?

Luk. 10:39

Ayai nakaato keŋ a Marita ŋina anyaritae Maria, ŋina abu kiboikin nakejen a Yesu akipup ŋakiro ŋuna etatami iŋes.

Luk. 11:1

Apeikoloŋit kilip Yesu aiwace. Ani irikakini, abu epei alokidiŋ ŋikasyomak keŋ, tolimok iŋes tema, “Ekapolon, kitatamae isua akilip, ikwaŋina koloŋ etatamya Yoana ŋikasyomak keŋ.”

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Luk. 12:33

Togyelasi ŋikusiboro daadaŋ, inakis ŋisiliŋa lokulyak. Kitiyautu ŋicweei ŋulu emam nyenyamunosi. Kiwuaa ekusibari anakuj, aneni nyediteunia tari iwadio cici, anerae emam ekokolan eapiyari nen, nabo emam esipiran ŋolo inyasuni iŋes.

Luk. 16:2

Tosodi ekapolon tonyarau iŋes kiŋit tema, ‘Anukiro nu ŋuna apupi ayoŋ atemar itiyae iyoŋ? Kitoodikinae cenite ekimar a ŋiboro kaŋ daadaŋ, anerae acepaki nyirubakini iyoŋ irae eketiyan kaŋ.’

Luk. 16:25

“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu.

Luk. 18:22

Ani iirari Yesu ŋakiro ŋun, tolimok iŋes tema, “Ipeibore bon ikibucit iyoŋ: togyela ibore daadaŋ ŋini iyakar iyoŋ, tokorak ŋisiliŋa lokulyak, ikotere min ebari kon nakuj. Ani ekaku, ibu ikiwuapak ayoŋ.”

Luk. 8:18

“Tocoito robo ikwaŋina iiraryata; anerae ituŋanan daadaŋ ŋini eyakar ibore einakinio ŋini elal, nai ŋini daadaŋ emam ibore eyai, edemaryo tari ŋinidio cici ŋini etami iŋes atemar ayakar.”

Yoa. 11:1

Todyakakin ecekile ŋolo anyaritae Lasaro ŋolo alo Betania, alore a Maria ka nakaato keŋ Marita.

Yoa. 11:19

ido aponito Ŋiyudayan akimaima Marita ka Maria aŋuna ka atwanare a lokaato kec.

Yoa. 12:3

Tolemu Maria akimyet ŋina akukunyon ŋina anyaritae Narido ŋina apol egyelit, kiwos ŋakejen a Yesu, ido kisuta a ŋitim keŋ; torebuwa akukunyu keŋ akai daadaŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

1 Ŋikor. 13:3

Ani kakorak ayoŋ ŋiboro kaŋ lokulyak, ojalak daŋ ŋituŋa kicunya akuwan kaŋ, nai tomam amina aneni kaŋ, emam ibore aryamuni.

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋikis. 30:19

Anyarae ayoŋ nakuj ka nakwap kisuudata ŋuna iseunete iyes nakoloŋit na, ewuak ayoŋ kiŋaren kus akiyar ka atwanare, arereŋu ka ŋilam. Toseutu tokona akiyar, ikotere iyes iyarete ka ŋiletok kus,

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

Yos. 24:22

Tolimok nai Yosua ikes tema, “Iyes pei icamut aruwor ŋisuudae kus a ŋilopeyek aŋuna iseuniata akitiyanakin Ekapolon.” Temasi ŋituŋa, “Ee, ikirae isua ŋisuudae.”