Luk. 10:31 - Ebaibul

³¹ Kitoru esacaradoti lorot ŋol, kiŋolik ekile ŋol eperi, tosep kitor iwace.

Luk. 10:31 Iomraidhean Croise

2 Sam. 1:6

Toboŋok esorokit ŋolo ayaunit ŋakiro neni keŋ ŋol tema, “Ani ayai ayoŋ lomukura ŋolo a Gilboa, abu oryamu Saul a nen egwaŋakina nakwara keŋ, toapunete bo neni keŋ ŋimoe edokito ŋagaari ŋuna eritae a ŋaŋolei ka todokito ŋice ŋaŋolei.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ŋakit. 21:13

Ani kiŋer iyoŋ akiirar ŋakiro ŋuna ilipatar ŋikulyak ibore aneni kon, iruwor iyoŋ ŋini ilipanar, ido emam ituŋanan ecamuni akiirar ŋakiro ŋuna ilipar iyoŋ.

Ekal. 9:11

Adau nabo ayoŋ akiŋolikin ibore ice anakwap a na; ibore ŋin iŋes en, meere ekapiranan iloununui ŋuluce anakerit, kori meere ekagogoŋon iloununui alojie, meere ekaoson eyakar akimuj ŋina alalan, meere ekapiiryanan eyakar abaru, meere ŋulu eyenete akitiya ŋiboro eryamunete ajokis, nai icwanyanakin ŋun lotuŋa daadaŋ a ŋinapaki.

Isa. 58:7

Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Osea 6:9

Etukonoro ŋisacaradotin edapito ŋituŋa ikwa ŋikokolak ŋulu edapito ituŋanan idio. Earete ikes ŋituŋa a lorot a ŋolo elosere Sekem, itiyaete ikes ŋuna aronok nooi.

Mal. 1:10

Ebala Ekapolon ŋolo etiron ebe, “Okoe kerae ca topedori epei alokidiŋ kus agolokin ŋikekya ŋulu ka Akai ka Akuj, itogolo iyes tojoŋoto akinok ŋakimya ŋuna emam ajokis Namuroet kaŋ! Nyalakara ayoŋ aŋuna kus; nyacamuni ayoŋ ŋainakineta ŋuna iyaunete iyes neni kaŋ.

Luk. 10:30

Toboŋok Yesu iŋes tema, “Ayai ekile ece ŋolo anyouni alo Yerusalem totiyaar Yeriko. Kituumikis ŋikokolak iŋes alorot, kikamut, kibuŋata, tolaca daŋ, toesikis iŋes eperi irakara.

Luk. 10:32

Bu Elepeit daŋ kitoru nen; ani kiŋolik ekile ŋol eperi, tosep kitor iwace.

Rus. 2:3

Torotok nai Rus todol lomanikor kisyak akisokat alokaku ŋikalemak. Abu arereŋu min neni a Rus alomar lomanikor a Boas a ŋolo arae ekanateker a Elimelek.