Luk. 10:29 - Ebaibul

²⁹ Nai ikwapei acamitor iŋes akitojoka, abu iŋes kiŋit Yesu tema, “Ŋae erae ekaakidunyet?”

Luk. 10:29 Iomraidhean Croise

Yob 32:2

Abu nai Eliu lokoku a Barakel a ŋolo anateker a Bus a ŋolo alokal a Ram toŋo. Abu iŋes toŋoik Yob, anerae abu kitogogoŋ erwor itojoka iŋes bon akilo tari akitojokit Akuj.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Mar. 8:34

Tonyarau Yesu asepic ka ŋikeekasyomak, tolimok ikes tema, “Ŋinituŋanan ecamit akiwuapakin ayoŋ, itemokino iŋes toŋero bon, toryoŋ emusalaba keŋ ekewuapak ayoŋ.

Luk. 10:36

Kiŋit Yesu iŋes tema, “Ŋae alotuŋa a ŋul itami iyoŋ atemar abu toruwor ekidunyet a ekile a ŋolo apotu ŋikokolak kidica alorot?”

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋirom. 10:3

Nyeyenete ikes epite ŋolo ituruwonorya Akuj ŋituŋa ŋulu iyookino alokiŋaren keŋ ka ekatakis ikes akisyakin erot kec a ŋilopeyek; aŋun, apotu ikes nyecamut erot ŋolo ka Akuj ŋolo ituruwori ŋituŋa ŋulu iyookino alokiŋaren keŋ.

Ŋirom. 4:2

Kerae tolimorite Akuj atemar iyookino Aburaam alokiŋaren keŋ aŋuna a ŋiticisyo keŋ, keyakar Aburaam ŋakiro ŋuna ituror, nai meere alokiŋaren Akuj.

Ŋigal. 3:11

Ileere nai atemar, nyelimori Akuj atemar iyookino ituŋanan alokiŋaren keŋ aŋuna iricitor Ŋikisila, anerae ebasi Ŋakigireta ebe, “Ituŋanan bon ŋini elimori Akuj atemar iyookino alokiŋaren keŋ aŋuna ka anupit keŋ, iŋes eyari”.

Yak. 2:24

Ianyut tokona iyes atemar, ituruworyo ituŋanan ŋini iyookino alokiŋaren Akuj aŋuna a ŋiticisyo, meere aŋuna ka anupit bon.