Luk. 10:28 - Ebaibul

²⁸ Toboŋok Yesu iŋes tema, “Ilimu iyoŋ ŋuna iyookino, kitiya ŋun, ido toyar.”

Luk. 10:28 Iomraidhean Croise

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Ŋakit. 19:16

Ituŋanan ŋini iwuapit ŋakiciket eyari, ituŋanan ŋini nyemitakini ŋuna ka akiyar keŋ etwani.

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Ŋilep. 18:5

Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.

Mat. 19:17

Toboŋok Yesu iŋes tema, “Nyo ikiŋisitor iyoŋ ayoŋ ibore ŋini ajokan? Eyai epei bon ŋolo ejok. Ani kicamit iyoŋ alomar nakiyar, kiric Ŋakiciketa.”

Mar. 12:34

Ani eanyuni Yesu atemar aboŋoki iŋes ejok, tolimok tema, “Emam nyilwana iyoŋ a Napukan ka Akuj!” Kedaun ŋun, emam icetuŋanan ŋini abu toŋirik akiŋit Yesu acekiŋiset.

Luk. 7:43

Toboŋok Simoni tema, “Atami ayoŋ ŋolo ajalakinio ŋidinari ŋulu alalak.” Tolimok Yesu iŋes tema, “Ilimu iyoŋ iyookino.”

Ŋirom. 10:4

Anerae adau Kristo ayaun ekisal ŋolo a Ŋikisila, ido nai ituŋanan ŋini enupit ituruworyo ŋini iyookino alokiŋaren Akuj.

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Ŋirom. 7:10

ido otwana ka abu akiciket ŋina etemokino yau akiyar neni kaŋ, yau atwanare.

Ŋigal. 3:12

Nai emam ŋuna a Ŋikisila ŋuna etapito anupit, ikwapei ebaakatar Ŋakigireta ebe, “Erae akitiya daadaŋ ŋuna ecamito Ŋikisila epedorya ituŋanan akiyar”.

Ŋikis. 6:24

Abu nai Ekapolon ikicik isua akiwuap ŋakiro ŋuna etubunitoe daadaŋ, akitopoloorit Ekapolon Akuj kosi aŋuna ka arubakinia anajokis, ikotere ikiyoki iŋes isua ikiyari, lopite ŋolo ikiyakar tokona.