Luk. 10:21 - Ebaibul

²¹ Esaa ŋolopei kilelebun Etau ŋolo Asegan neni a Yesu, tolelyan iŋes nooi, tolimu tema, “Alakara ayoŋ neni kon, Papa, Ekapolon ŋolo anakuj ka nakwap, anerae ibu iyoŋ kiwua ŋakiro nu aneni a ŋikaosok ka ŋipiiryanotin; nai kisileereu neni a ŋidwe a ŋulu cicik. Ee, Papa, itiyak iyoŋ ŋun daadaŋ ikwaŋina icamitor iyoŋ elope.

Luk. 10:21 Iomraidhean Croise

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Ŋikiru. 8:2

Itaanyu iyoŋ ŋidwe ŋulu cicik ka ŋulu enakete akipuro iyoŋ, iwuak iyoŋ ariwo kidiŋ iyoŋ ka ŋimoe kon, akisililiŋia ŋimoe kon ka ŋikenyaŋak.

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mat. 21:16

Kiŋita ikes Yesu temasi, “Ipupi iyoŋ ŋakiro ŋuna irworosi ikes a?” Toboŋok Yesu ikes tema, “Apupi. Nyesyoma iyes ŋuna igiritae Nakigireta atemar, ‘Itaanyu iyoŋ ŋidwe ŋulu cicik ka ŋulu enakete akipuro ejok!’ ”

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Mar. 10:15

Akalimokini ayoŋ iyes kire atemar, ŋinituŋanan nyijauni Apukan ka Akuj ikwa ikoku ŋini cici, nyelomari jik Napukan ŋin.”

Luk. 15:5

Ani eryamuni, elelyani iŋes nooi, toryoŋak amesek ŋin loseket keŋ.

Luk. 15:9

Ani eryamuni, enyarauni ŋakeekonei ka ŋikidunyet iwapei tema, ‘Olelyana kaapei ka ayoŋ, anerae aryamu ayoŋ esilipa kaŋ ŋolo acakara!’

Yoa. 11:41

Tolemasi nai ikes amoru analyal. Kireo Yesu kidiama nakuj tema, “Alakara ayoŋ neni kon Papa, anerae ikiira iyoŋ ayoŋ.

2 Ŋikor. 4:3

Ani tari kerapap Ŋakiro ŋuna Ajokak ŋuna ikilimonokini isua, erapap aneni a ŋulu ebukoro.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 1:5

Aŋuna ka amina keŋ, aris Akuj ŋinapei anakisyakinet ketubu akituruwor iwon ŋidwe keŋ aŋuna a Yesu Kristo--arae ŋun alakara ka acamit keŋ.