Luk. 1:79 - Ebaibul

⁷⁹ ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 1:79 Iomraidhean Croise

Yob 10:22

nakwap ŋina ka akiyaloloŋ ka ŋina eyai egurigur, neni emam akica, neni erae akiryonut bon ileleba.”

Yob 3:5

Elipi toruwor akoloŋit ŋin ŋina ka akiyaloloŋ ka ŋina iryonia akwap cuc, elipi torapuwasi ŋidouwon akwap akoloŋit ŋin; elipi toyakaun akiryonut ŋina etubulon akoloŋit ŋin.

Ŋikiru. 107:10

Apotu ŋice kiboiyoto anakiryonut ka anakiyaloloŋ, arae ŋul ŋimabus ŋulu aenen a ŋiriko, ŋimabus ŋulu aya locan,

Ŋikiru. 107:14

Abu yau ikes anakiryonut ka anakiyaloloŋ a ŋina apolon nooi a ŋin toŋedeŋedaa ŋiriko ŋulu aenitere ikes.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 25:12

Ikes ŋulu itopoloorito Ekapolon, itatamikini Ekapolon ikes erot ŋolo emaikina ikes toseut.

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Ŋakit. 3:17

eryamuni ituŋanan alakara iwuapit ŋuna ka aosou erae ekisil bon eryamuni ituŋanan iwuapit ŋuna ka aosou.

Ŋakit. 8:20

Ewuapit ayoŋ ŋuna ka akiyookino, ewuapit ayoŋ ŋuna a kire,

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 42:7

ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 48:17

Alimu Ekapolon ekalakunan kus, Akuj ŋina asegan ŋina a Isirael ebe, “Arae ayoŋ Ekapolon Akuj kus, ŋina eketatami iyes aŋuna ka ajokis kus a ŋikulepek, ŋina akarikit iyes alorotin a ŋulu emaikina iyes kiwuapa.

Isa. 48:22

Alimu Ekapolon ebe, “Mam ekisil aŋuna a ŋituŋa a ŋulu itiyaete ŋuna aronok.”

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 49:9

Alimonokin ŋimabus ebe, ‘Tolomutu kiŋa,’ alimonokin ŋulu eya nakiryonut ebe, ‘Kitoodiunos.’ Eryamunete ikes akimuj emeto ŋirotin, eryamunete ikes akimuj alokidiama ŋikamukumukui daadaŋ ŋulu emam ŋikito.

Isa. 59:8

Nyeyenete ikes ŋuna ke ekisil ka emam akiyookino alorotin kec, nyejokak ŋakiro aneni itorete ikes, ituŋanan ŋini iwuapi ikes nyeyenuni ŋuna a ekisil.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Mat. 4:16

Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Yoa. 9:5

Ani ca eriŋa ayoŋ ayai nakwap, Arae Ayoŋ akica ŋina ka akwap.”

Ŋitic. 10:36

Iyenete iyes ŋakiro ŋuna abu iŋes kiyakik Isirael--alimonokin Ŋakiro ŋuna Ajokak ŋuna ke ekisil alotooma Yesu Kristo, ŋolo erae Ekapolon a daadaŋ.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋirom. 3:17

Nyeyenete ikes ŋuna ke ekisil.

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,