Luk. 1:75 - Ebaibul

⁷⁵ Oruworotor iwon ŋulu asegak ŋulu ikiyookino aneni keŋ ŋirwa daadaŋ ŋulu ikiyarya iwon.

Luk. 1:75 Iomraidhean Croise

Isa. 43:21

ŋituŋa ŋulu abu ayoŋ osub aŋuna kaŋ a elope, topedoryata ikes akipuro ayoŋ.

Sakar 8:19

“Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Luk. 1:74

Erae akikoŋiet keŋ aiun iwon alomoe yok, opedoryata nai iwon akitiya ekeetic emam akuryanu.

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋiep. 4:24

ka itemokino iyes tonapa ekuwane ŋolokitete, ŋolo asubi Akuj ikwaan ka iŋes, ŋolo itoodiunit eyakae keŋ anakiyar a ŋina a kire, a ŋina iyookino ka ŋina ejok nooi.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

1 Ŋites. 4:7

Nyenyara Akuj iwon akiboi alokibure a ŋolo ka amalao, nai akiboi anakiyar a ŋina asegan, a ŋina itoodiunit atemar ikirae ŋulu keŋ.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,