Luk. 1:6 - Ebaibul

⁶ Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 1:6 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

Akisy. 7:1

Tolimok Ekapolon Noa tema, “Toloma nataker kaapei ka ekal kon, anerae aanyu ayoŋ atemar iyoŋ bon iyookino alokiŋaren kaŋ ananyamet a na.

1 Ŋirw. 15:5

Arae ŋun aŋuna abunio Daudi toruwor ŋolo eyookino alokiŋaren Ekapolon, ido nyimyekina iŋes akiwuap adio a ŋakiciketa ke Ekapolon ŋirwa daadaŋ ŋulu ka akiyar keŋ, mati ŋuna ka atwanare a Uria bon a ŋolo arae Eitait.

1 Ŋirw. 9:4

Nai iyoŋ Solomon ani kiwuap ŋakiro kaŋ lopite ŋolo ewuapitor papa kon Daudi a epeitau ka anakiyookino, ido kitiya ŋuna daadaŋ adau ayoŋ akicik iyoŋ, kiwuap ŋikisila kaŋ ka ŋuna atubunit ayoŋ,

2 Ŋirw. 20:3

“Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

2 Ŋakiro a ŋirwa 17:4

nai abu kitiyanak Akuj a papa keŋ, kiwuap Ŋakiciketa keŋ, abu nyiwuap ŋuna etiyaete ŋituŋa anakwap a Isirael.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 9:2

“Kire ayeni ayoŋ atemar erae ŋun ŋuna a kire; nai, alipite eruworor ituŋanan ŋini iyookino alokiŋaren Akuj?

Ŋikiru. 119:6

Iŋes nai nyekesurumere ayoŋ ŋileec, aŋuna amunikinitor akiwuapit ŋakiciketa kon.

Luk. 1:7

Nai amamukatar ikes ikoku, anerae akolupana Elisabet; nabo daŋ amojoŋito ikes.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Ŋitic. 2:25

Anerae erworit koloŋ Daudi ŋakiro keŋ ebala, ‘Ŋirwa daadaŋ, ete ayoŋ Ekapolon alokiŋaren kaŋ; eyai iŋes nakan kaŋ ŋina aloteten, ikotere nyeryaŋiryaŋakin ayoŋ.

Ŋitic. 23:1

Kitek Paulo atukot, kirworik tema, “Ŋikaitotoi! Ecayete ŋatameta kaŋ anakiro a daadaŋ a ŋuna ikamunito akiyar kaŋ alokiŋaren Akuj akitodol akoloŋit napei na.”

Ŋitic. 24:16

Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

Ŋitic. 8:21

Nyimarar iyoŋ ka emam ibore kon eyai lotic lo, anerae nyiyookino etau kon alokiŋaren Akuj.

Ŋirom. 8:4

Abu Akuj kitiya ikoŋina, ikotere iwon ŋulu ikiyari anakiwuapit Etau ŋolo ka Akuj, meere anakiwuapit aseconu a ituŋanan, ikipedori akitiya ŋuna ecamito Ŋikisila atemar iyookino.

1 Ŋikor. 11:2

Ekepuro ayoŋ iyes, anerae ikitamunito iyes ayoŋ jwi jwi anakiro a daadaŋ ka iwuapito iyes ŋitalyo a Ŋikristo, ŋulu eketatamianakini ayoŋ iyes.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋipil. 2:15

ikotere toruworos ŋulu nyisecito ka tosegak alotai ikwapei iraakatar ŋidwe ŋulu ka Akuj ŋulu emam aronis, ŋulu iboiyete alokidiŋ ŋituŋa ŋulu a ŋinyas ŋulu asecak. Itemokino iyes tocayete alokidiŋ kec ikwa ŋikacer ŋulu ecayete alokidiama,

Ŋikol. 1:22

Nai tokona, aŋuna ka atwanare a Lokoku keŋ alokuwane a ituŋanan, abu Akuj kisil. Ipedorito tokona iyes ayakau kiŋaren keŋ iraakasi ŋulu keŋ, ŋulu isegak alotai, ŋulu emam asecit.

1 Ŋites. 3:13

Alopite a ŋol, ikitogogoŋi iŋes iyes ka iruworosi iyes ŋulu iyookino ka ŋulu asegak alokiŋaren Akuj Papa yok, apaki ŋina etakanuniata Ekapolon Yesu kaapei ka ŋulu erae ŋulu keŋ.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.

1 Yoa. 2:3

Ikianyuni iwon kire atemar, ikiyeni iwon Akuj, erae kikiricak iwon Ŋakiciketa keŋ.

1 Yoa. 3:7

Ŋidwe kaŋ! Tocoito nyikimodik iyes idiotuŋanan! Ituŋanan ŋini itiyae ŋuna iyookino, iŋes iyookino ikwapei Kristo ŋolo iyookino.