Luk. 1:51 - Ebaibul

⁵¹ Etiya iŋes ŋakiro ŋuna apolok a akeekan, eela ŋulu eturok alotai kec.

Luk. 1:51 Iomraidhean Croise

Akisy. 11:8

Kiela Ekapolon ikes anakibois a ŋin nakwapin daadaŋ, kiteesik ikes akiduk etaun.

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Ŋikiru. 118:15

Epupyo ŋitoilon ŋulu elelyanete aŋuna ka akiloun, anakais a ŋituŋa a ŋulu ka Akuj; ebasi, “Etiya apedor ke Ekapolon ŋina etiron ŋakiro ŋuna ka aumokin!

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋikiru. 52:9

Alakar ayoŋ neni kon Akuj ŋikaru ka ŋikaru, aŋuna a ŋakiro a ŋuna itiya iyoŋ. Ekepuri ayoŋ iyoŋ aneni ilipyata ŋituŋa.

Ŋikiru. 63:5

Emwoni ayoŋ lopite ŋolo imwonia ituŋanan anasuban, ekepuri ayoŋ iyoŋ alelyani.

Ŋikiru. 89:10

Ibu iyoŋ kinyaadiya Raab, ikwa esubuna ŋolo etwanit; idau iyoŋ akielar ŋimoe kon a apedor kon a ŋina etiron.

Ŋikiru. 89:13

Epol nooi agogoŋu kon, itopolooritae nooi apedor kon.

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Isa. 40:10

Kiirasi, ebunit Ekapolon Akuj ka apedor, ipukat iŋes a apedor keŋ, kiirasi, eyaunit iŋes ŋituŋa ŋulu adau iŋes aiun, eyakasi kiŋaren keŋ ŋituŋa ŋulu adau iŋes aiun.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Yer. 49:15

Eketiditeuni ayoŋ iyes alotooma ŋakwapin, ikijamuwarete ŋituŋa iyes.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

2 Ŋikor. 10:5

Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

Akis. 18:8

Aŋun, ikamunete iŋes ŋakisicaneta nu alotooma apeikoloŋit bon--edeke, akiyaloloŋ ka eron. Icunyaryo iŋes ka akim, anerae erae Ekapolon Akuj ŋina etubokini iŋes ŋina etiron.”