Luk. 1:49 - Ebaibul

⁴⁹ anerae Akuj ŋina ka apedor eketiyak ayoŋ ŋakiro ŋuna apolok, eseg ekiro keŋ.

Luk. 1:49 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Ŋikiru. 111:9

Abu Ekapolon tolaku ŋituŋa keŋ; kiwuak acamunet ŋina a ŋikaru ka ŋikaru ka ikes. Erae iŋes ŋolo eseg ka ŋolo ekerer.

Ŋikiru. 24:8

Ŋae mono Erwosit ŋolo apolon nooi ŋol? Erae Ekapolon ŋolo egogoŋ ka ŋolo etiron, Ekapolon ŋolo etiron alojie.

Ŋikiru. 99:3

Emaikina ŋituŋa kipuro ekiro kon ŋolo apolon nooi ŋolo ailiilon. Erae iŋes ŋolo Eseg!

Ŋikiru. 99:9

Kipuro Ekapolon Akuj yok, kilipa neni keŋ alomukura keŋ a ŋolo asegan, anerae erae Ekapolon Akuj yok ŋina asegan.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Isa. 1:24

“Aŋun irworo Ekapolon ŋolo ipukat daadaŋ, Ekapolon a ŋajoresyo, Ekapolon ŋolo etiron ŋolo a Ŋisirael ebe, ‘Okoe! anyunyurikin ayoŋ ŋimoe kaŋ, ido enyaŋa ŋuna etiyata ŋimoe kaŋ neni kaŋ.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Yer. 10:6

Okoe Ekapolon mam ituŋanan ikwaanatar iyoŋ, ipol iyoŋ ka epol ekiro kon eyakar apedor;

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Mar. 5:13

Tocamak nai Yesu ikes, tolomut, tolomasi lopegei. Tosuros ŋipegei, kimasaros anakope, tolomasi nanam kitamat ikes daadaŋ totwaka. Aapiyarit ekecekimar ŋalipyo ŋaarei.

Luk. 1:48

anerae adau iŋes akiŋolikin akitiditeuna a aketiyan keŋ. Ameun tokona, akanyaraete ayoŋ ŋanyameta daadaŋ akarereŋon,

Luk. 1:50

Eyai akisyon keŋ neni a ŋulu ekerito iŋes ananyameta a daadaŋ.

Ŋiep. 3:20

Epedori Akuj akitiya alotooma yok ŋuna alalak nooi akilo daadaŋ ŋuna ikipedori iwon akilip iŋes kori ŋuna ikitami iwon atemar ikitiyakini. Itiyae iŋes ŋun anapedor a ŋina itiyae alotooma yok.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.