Luk. 1:32 - Ebaibul

³² Erwoniar iŋes ka enyarao Lokoku ka Akuj a ŋina alokidiama nooi. Isiboikini Akuj iŋes lokicoloŋ a papa keŋ Daudi.

Luk. 1:32 Iomraidhean Croise

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

Ŋikiru. 132:11

Abu Ekapolon kikoŋ neni a Daudi, akikoŋet ŋina a kire ŋina nyelakari iŋes. abu iŋes tema, “Eturuwori ayoŋ epei a ŋidwe kon a ŋulusapa erwosit, ipukae iŋes ekaku kon.

Ŋikiru. 132:12

Ani kiwuap ŋidwe kon ŋulusapa acamunet kaŋ ka ŋakiro kaŋ ŋuna alosi ayoŋ akitatam ikes, ŋidwe kec daŋ ŋulusapa ipukaete erae ŋirwosi ŋikaru ka ŋikaru.”

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Yer. 17:25

iŋes nai elomuniata alopukei a etaun a lo ŋirwosi ŋulu icoloŋete ekicoloŋ ŋolo ka apukan a Daudi, edokito ŋagaari ŋuna iritae a ŋaŋolei ka edokito ŋaŋolei, ikes kaapei ka ŋikapolok ŋulu ipukatotor ikes, ŋituŋa a Yudaya ka ŋituŋa ŋulu iboiyete alo Yerusalem. Iboikinosi nai ŋituŋa lotaun lo ŋikaru ka ŋikaru.

Yer. 22:2

tolimu tema, ‘Kiira ŋakiro a Ekapolon okoe erwosit a Yudaya, iyoŋ ŋolo icoloŋit ekicoloŋ ŋolo ka apukan a Daudi, iyoŋ kaapei ka ŋiketiyak kon ka ŋituŋa kon ŋulu elomanarete alopukei a lu.’

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Mat. 1:1

Erae lu ŋirorwa atapapaa a Yesu Kristo, a ŋolo arae ekanateker a Daudi a ŋolo arae lopapait ka Aburaam.

Mat. 12:42

Akoloŋit ŋina ka atubokino, enyouni akepukan ŋina ka akwap a ŋina a Ceba atubokin iyes; anerae abu iŋes koloŋ tolot erot ŋolo aoyan nooi akiirar ŋakitatameta ŋuna ka aosou a Solomon a ŋolo arae erwosit. Nai eyai ne ŋolo epol akilo Solomon.

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Mar. 14:61

Kililiŋ Yesu cek, nyeboŋok adiokirot. Kiŋit nabo Esacaradoti ŋolo Apolon nooi iŋes tema, “Irae iyoŋ Kristo Lokoku ka Akuj a ŋina ipuroe a?”

Mar. 5:7

kiworou nooi tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Ekemaimai kare ca ayoŋ iyoŋ aŋuna ka Akuj ebe, nyikisican kare ca!”

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 1:76

Iyoŋ ikoku ŋini cici, ikinyarao ekadwaran ŋolo ka Akuj a ŋina alokidiama nooi; anerae iŋarenikini iyoŋ Ekapolon, kitemonok ŋirotin keŋ.

Luk. 3:16

Toboŋok Yoana ikes daadaŋ tema, “Kire ekebatisae ayoŋ iyes a ŋakipi, nai ebunit ŋolo ekeloit ayoŋ ŋolo nyapedori ayoŋ tari alacakin ŋakeemuk. Ikibatisae iŋes iyes a Etau a ŋolo Asegan ka akim.

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Yoa. 12:34

Toboŋokis ŋituŋa temasi, “Igiritae Lokisila atemar, eropari Kristo jik. Ikokini nai iyoŋ ibala, itemokino Lokoku a Ituŋanan kikyaarae ai? Ŋae mono Lokoku a Ituŋanan ŋol?”

Yoa. 6:69

Ikinup ka ikiyenu daŋ atemar irae iyoŋ ŋolo donupei, ŋolo ka Akuj.”

Ŋitic. 16:17

Kiwuapu iŋes Paulo ka isua ecela ebala, “Erae ŋikilyok lu ŋiketiyak ŋulu ka Akuj a ŋina alokidiama nooi! Iseraete ikes epite ŋolo ipedoryata iyes aiuno!”

Ŋitic. 2:30

Ayeni Daudi atemar, aris Akuj kikoŋ atemar eturuwori lopapait keŋ epei erwosit, kilunyokin lokicoloŋ keŋ.

Ŋitic. 2:36

Aŋun, itemokino tokona ŋituŋa a Isirael daadaŋ toyenut atemar, Yesu ŋolo ibubukinete iyes lomusalaba, iŋes abu Akuj kituruwo Ekapolon ka Kristo!”

Ŋitic. 7:48

“Nyiboyonokin bo Akuj ŋina alokidiama nooi nakais ŋuna edukito ŋituŋa; ikwaŋina elimunitor ekadwaran ebe, ebala Akuj Ekapolon:

Ŋirom. 1:4

Alopite a ŋolo ka akujuwuanut keŋ, erae iŋes ŋolo aseu Akuj aruwor Lokoku keŋ, aŋuna eteyarunere iŋes alokatwak anapedor a ŋina ka Akuj.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.