Luk. 1:17 - Ebaibul

¹⁷ Iŋarenikini iŋes Ekapolon, etitiny ka togogoŋ ikwa ekadwaran Eliya. Imorikini iŋes atapapa ka ŋidwe, tocamunos; nabo ibelekini iŋes ŋulu eŋerito Akuj kiwuapa aosou a ŋulu itiyaete ŋuna iyookino, kitemok ŋituŋa kidarut Ekapolon.”

Luk. 1:17 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 18:18

Toboŋoki Eliya tema, “Mam ŋican ayau ayoŋ Isirael, nai iyoŋ ke ekal a papa kon iyaut ŋican Isirael, anerae imyekis iyes ŋakiciketa ŋuna ke Ekapolon, ido iwuap ŋuna a ŋakujo a ŋuna enyaritae ata Baal.

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

2 Ŋirw. 1:16

tosodi Elia tolimok Aasia tema, “Ebala Ekapolon aŋuna ibunio iyoŋ kiyaki ŋituŋa akiŋitun ŋakiro kon aneni a Baalsebub, a ŋina erae akuj a etaun a Ekiron, esibit mam Akuj alo Isirael, mam jik nyinyouni iyoŋ anaryeba kon, nai itwani jik iyoŋ.”

1 Ŋakiro a ŋirwa 29:18

Okoe Ekapolon Akuj atapapaa kosi: Aburaam ka Isaka ta Isirael, kiturubak acamit na alotai a ŋituŋa kon ŋikaru ka ŋikaru, kiturubak ŋitai kec ikitopoloorito iyoŋ.

2 Ŋakiro a ŋirwa 29:36

Apotu nai Esekia ka ŋituŋa daadaŋ tolelyana a ŋakiro a ŋuna abu Akuj kitiya aŋuna a ŋituŋa keŋ, anerae aponi kitiyae etal ŋol anapaki a ŋina auruwuana.

Ŋikiru. 10:17

Okoe Ekapolon, iira iyoŋ akiitanit a ŋituŋa kon a ŋulu itiditeuna make. Isimukekini iyoŋ ŋitai kec, ipupokini iyoŋ ŋakiro kec.

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Isa. 29:24

Eyenunete ŋulu esecito alotai kec ŋakiro, ecamunete ŋulu iŋuruŋurasi ŋakiro ŋuna itatamyo.

Amos 4:12

Aŋun, abuni ayoŋ akisican iyes, okoe Ŋisirael, aŋuna abunio ayoŋ akitiya ŋun, totena akiryamun ka Akuj kus ŋina ebuni atubokin iyes.

Mat. 11:14

ka ani kicamito akinup ŋakiro ŋuna adwarito ikes, Yoana iŋes Eliya ŋolo itemokino bu.

Mat. 14:4

Alimokinit sek Yoana Ekebatisan Erode atemar, “Italeo iyoŋ akituruwor aberu a lokaato kon ŋina kon!”

Mat. 3:3

Anerae iŋes erworitor ekadwaran Isaya ebala, “Iworoe etoil a ituŋanan a ice analoŋisat ebala, ‘Kitemonokisi erot ŋolo ke Ekapolon; kisidiiryata ŋirotin keŋ!’”

Mat. 3:4

Anapit Yoana elou ŋolo etiyaunitae a ŋajul a ŋuna ke ekaal, tonapite arokoba anacir keŋ, kimuji emaase ka ao analoŋisat.

Luk. 1:16

Inyakuni iŋes ŋituŋa ŋulu alalak ŋulu a Isirael neni ke Ekapolon Akuj kec.

Luk. 1:76

Iyoŋ ikoku ŋini cici, ikinyarao ekadwaran ŋolo ka Akuj a ŋina alokidiama nooi; anerae iŋarenikini iyoŋ Ekapolon, kitemonok ŋirotin keŋ.

Yoa. 1:13

Pa aruworosi ikes ŋidwe ŋulu ka Akuj alopite a ŋolo sek euriyere ŋituŋa, anagogoŋu ka anacamit a ituŋanan, nai Akuj alope iŋes abu kituruwo ikes ŋidwe keŋ.

Yoa. 1:34

Adau tokona ayoŋ akiŋolikin ka eketeyenik iyes atemar erae iŋes Lokoku ka Akuj.”

Yoa. 3:28

Iyes ŋilopeyek iraakasi ŋisuudae a ŋuna alimunit ayoŋ ebe, ‘Meere ayoŋ Kristo, nai ekeyakitae ayoŋ akiŋarenikin iŋes.’

Ŋitic. 10:33

Aŋun, abu ayoŋ atipei eyaki ŋikilyok aomun iyoŋ, ka ajokyar ibu iyoŋ. Ikiya tokona isua daadaŋ ne kiŋaren Akuj, akiirar ŋuna daadaŋ adau Ekapolon akicikakin iyoŋ.”

Ŋirom. 9:23

Acamit daŋ Akuj akitoodikin apolou keŋ ŋina epol nooi neni a ŋulu esyon iŋes ka neni a ŋulu adau koloŋ iŋes akitemokin aryamun apolou keŋ.

Ŋikol. 1:12

Tolakanaros neni ka Akuj Papa, ŋolo ikitemok iyes aryamun atyaketait a ŋarereŋisyo a ŋuna iŋadakinit Akuj aŋuna a ŋituŋa keŋ a Napukan keŋ a ŋina ka akica.

2 Tim. 2:21

Ani nai kitesegun ituŋanan bon anakiro a ŋuna aronok a daadaŋ, eruwor iŋes eborosit ŋolo kisitiya aloticisyo a ŋulu epolok; itesegunitae iŋes ka epedori Ekapolon keŋ akisitiya iŋes, anerae etenit aŋuna a ŋiticisyo a ŋulu ajokak a daadaŋ.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

1 Sam. 7:5

Tema nai Samuel, “Tocunakisi Ŋisirael daadaŋ Misipa, ido elipi ayoŋ neni ke Ekapolon aŋuna kus.”