Isa. 9:6 - Ebaibul

⁶ Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Isa. 9:6 Iomraidhean Croise

2 Sam. 7:13

Eletonit ŋol iŋes edukokini Akai aŋuna a ekiro kaŋ, ido etogogoŋi ayoŋ ekipukae keŋ torubak ŋikaru ka ŋikaru.

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

1 Ŋirw. 10:9

Akipuro toyai neni ke Ekapolon Akuj kon, ŋina alakari a ŋuna kon, ido ikiinak iyoŋ akiboikin lokicoloŋ ikwapei erwosit a ŋituŋa a Isirael. Aŋuna ka amina ka Akuj Ŋisirael ŋikaru ka ŋikaru, ikituruwo iŋes iyoŋ erwosit, ikotere itubi ŋakiro anakiyookino ka kitiyae ŋuna iyookino.”

1 Ŋirw. 2:33

Elipi ayoŋ min asecit ŋina abukorere ŋaokot kec nakou a Yoab ka ŋiletok keŋ ŋikaru ka ŋikaru. Nai neni a Daudi ka ŋiletok keŋ ka ekal keŋ ta apukan keŋ, elipi min ekisil a Ekapolon ŋikaru ka ŋikaru.”

1 Ŋirw. 2:45

Nai eketerereŋio ayoŋ erwosit, ido itogogoŋio apukan a Daudi ŋina erubakini ejok aneni a Ekapolon ŋikaru ka ŋikaru.”

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Ŋikiru. 45:3

Toenik ekileŋ kon losyepi kon erwosit ŋolo etiron irae iyoŋ erwosit ŋolo iyakar apolou ka ailiil.

Ŋikiru. 45:6

Eropari apukan kon, okoe Akuj ŋikaru ka ŋikaru; ipukat iyoŋ ŋituŋa kon anakiyookino.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ŋikiru. 50:1

Akuj Ekapolon ŋolo etiron, iŋes irworo enyarit akwap daadaŋ ŋinapei alo Kide tari To.

Ŋikiru. 72:17

Elipi nyimuryakin ekiro ke erwosit ŋikaru ka ŋikaru, elipi torubakis erwosit ka ŋiletok keŋ ipukatoŋikaru ka ŋikaru. Eryamunete ŋakwapin daadaŋ arereŋu aŋuna keŋ, ido enyaraete ikes iŋes ŋolo erereŋ.

Ŋikiru. 72:3

Elipi toraa ŋikinyom anakwap aŋuna a ŋituŋa, elipi kitiyakin ŋun nakwap aŋuna ka akiyookino a ŋituŋa.

Ŋikiru. 72:7

Elipi tolalaar akiyookino alorwa a ŋulu ipukator iŋes, elipi torubak ekisil ŋirwa daadaŋ ŋulu ipukator iŋes.

Ŋikiru. 85:10

Eyakaun amina ka Akuj neni a ŋulu ikinyoma, einakini Akuj ekisil neni a ŋulu iyookino,

Ŋikiru. 89:5

Okoe Ekapolon, kimyek ŋisubuna kon ŋulu anakuj ikipuro iyoŋ aŋuna a ŋiticisyo kon a ŋulu ka aumokin. kimyek ŋimalaikan ikipuro iyoŋ anatukot kec aŋuna a ŋiticisyo kon a ŋulu ka aumokin,

Ŋakit. 8:23

Aponi ayoŋ okosubun anakisyakinet, arae ayoŋ ekesyaunio asubun eriŋa akwap nyeyakauna.

Isa. 10:21

Eboŋunete ŋipiya, eboŋunete ŋipiya a ŋiletok a Yakob neni ka Akuj a ŋina etiron.

Isa. 11:5

Eruwor akiyookino arokoba keŋ, eruwor akikinyoma arokoba ŋina ka acir keŋ.

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 26:12

Okoe Ekapolon, ikiinakini iyoŋ isua ekisil, anerae kire, ŋuna daadaŋ etiyae isua, itiya iyoŋ aŋuna kosi.

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 28:29

Eponito nu daŋ aneni a Ekapolon a ŋolo a ŋajoresyo, itatami iŋes ŋakiro ŋuna ajokak ka eyakar iŋes aosou ŋina iloit.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 37:32

Eyakaun Yerusalem ŋipiya, eyakaun lomoru Sion ŋituŋa ŋulu apuun alomoe kec. Erae acamit a Ekapolon a ŋajoresyo atemar kitiyakin ŋun.

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Isa. 53:2

Abu iŋes topolou alokiŋaren Ekapolon esibit ekitoe ŋolo alomunan ka esibit akipuriteunet ŋina erupunit anakwap a ŋina eonit; amam epite ŋolokitamet iŋes, kori akibuses ŋina ikiinakini iwon akitere iŋes, amam ibore alotakane keŋ ŋini epedori ainakin iwon akiitan iŋes.

Isa. 53:5

Nai aponi iŋes towanawanae aŋuna abilere iwon ŋikisila, aponi iŋes toarae aŋuna a ŋasecisya yok; aponi iŋes kisicanae aŋuna yok, aŋuna aŋajemei keŋ, adaun akitaŋaleun iwon.

Isa. 63:16

Irae iyoŋ papa kosi, tari pa kikiyeni Aburaam isua ka pa kikicamit Yakob isua, okoe Ekapolon, irae iyoŋ papa kosi, erae ekiro kon ekalakunan kosi ŋinapei koloŋ.

Isa. 66:12

Irworo Ekapolon ebala, “Ainakini ayoŋ Yerusalem ebari kikwaanikin ka ŋakipi anaŋolol. Ainakini ayoŋ iŋes ebari a ŋakwapin kikwaanikin ka ayonae ŋina elele kilap, ikidari ka ikidaki iŋes iyes ka ikikanikani ikiuryarit ejok.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 8:18

Kiŋolikinae ayoŋ lo ka ŋidwe ŋulu abu Ekapolon okoinak ayoŋ, ikirae akitoodikinet ka aumokinet alo Isirael aneni ke Ekapolon a ŋolo a ŋajoresyo a ŋolo iboi alomokura Sion.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 7:14

Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”

Agai 2:9

Ilouni akibuses a Akai a na a ŋinakitete akibuses a Akai a ŋina a ekiŋaren, ido ayauni ayoŋ ekisil nakibois na.’ ”

Mat. 1:1

Erae lu ŋirorwa atapapaa a Yesu Kristo, a ŋolo arae ekanateker a Daudi a ŋolo arae lopapait ka Aburaam.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 2:11

Anerae nakuwar na, edoun Ekaiunan kus alotaun a Daudi--Kristo ŋolo erae Ekapolon!

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Ŋitic. 10:36

Iyenete iyes ŋakiro ŋuna abu iŋes kiyakik Isirael--alimonokin Ŋakiro ŋuna Ajokak ŋuna ke ekisil alotooma Yesu Kristo, ŋolo erae Ekapolon a daadaŋ.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 15:25

Anerae, itemokino Kristo kipuka akitodol ŋina ilounia Akuj ŋimoi keŋ daadaŋ, kiwuak ikes kwap ŋakejen a Kristo.

2 Ŋikor. 5:19

Akuj iŋes abu kimorikinos ka akwap alotooma Kristo, nyimari iŋes ŋasecisya a ŋituŋa aŋuna ka akisicania ikes. Ikicikak iŋes isua etic ŋolo ka akimoryanakin.

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

Ŋikol. 2:3

Neni a Kristo iwuaitere ebari daadaŋ ŋolo ka aosou ka ŋolo ka ayenut.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Ŋibur. 1:8

Nai neni a Lokoku keŋ, tolimu Akuj tema, “Irae iyoŋ Akuj ka eropari Apukan kon jik! Ipukat iyoŋ ŋituŋa kon anakiyookino.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

Ŋikat. 13:18

Nai toboŋok emalaika ŋolo ke Ekapolon Manoa tema, “Kaanukiro iŋitar iyoŋ ekiro kaŋ? Erae ekiro kaŋ ŋolo eiliili nooi.”