Isa. 9:5 - Ebaibul

⁵ Inokere akim ŋamuk a ŋikajiok a daadaŋ a ŋulu aloseneneete lojie kaapei ka ŋilowi kec daadaŋ ŋulu irwasito ŋaokot.

Isa. 9:5 Iomraidhean Croise

Akisy. 32:30

Tolimok Yakob ekiro a akibois a ŋin Peniel, ebala, “Erae nu aŋuna ikiŋolikinor ayoŋ ka Akuj ŋireetin, ido nyeara Akuj ayoŋ.”

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Ŋikiru. 72:3

Elipi toraa ŋikinyom anakwap aŋuna a ŋituŋa, elipi kitiyakin ŋun nakwap aŋuna ka akiyookino a ŋituŋa.

Awos. 23:21

Tomitakinito akiirar ŋakiro ŋuna irworo iŋes, nyiŋero iŋes, ani kiŋero, nyikisyoni iŋes iyes, anerae ayoŋ eyakuunit iŋes.

Isa. 13:4

Kiirasi ecelet ŋolo ebunit alomoru esibit ecelet a ŋituŋa a ŋulu alalak, kiirasi ecelet a ŋituŋa a ŋapukasinei ecelet a ŋakwapin aŋuna ecunasi nakibois apei! Esubanakini Ekapolon ŋolo a ŋajoresyo ŋasigarya aŋuna ke ejie.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 47:3

Ani iirarete ikes eruye a ŋakejen a ŋaŋolei, iirarete akigoligola a ŋakejen a ŋagaari a ŋuna iritae a ŋaŋolei nyeboŋorete ŋikauruunak kaku aŋuna a ŋidwe kec, epalagagaunete ŋakan kec,

Yoel 2:5

Ecela iŋes ikwa ŋagaari ŋuna iritae a ŋaŋolei eporete alokidiama ŋimukura, ireta iŋes ikwa arira enomi ŋinya ŋulu aonok ibaki iŋes elal nooi ikwa ajore ŋina etenit aŋuna ke ejie.

Ŋilep. 3:11

Epedori nai esacaradoti akicuny ŋinerin ŋul daadaŋ alokidiama anamuroet ikwapei akimuj ka ainakinet ŋina epeyo ŋina einakinitae Ekapolon.

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Mika 5:1

Ŋituŋa a Yerusalem tocunakisi ŋajorei kus! Adaut ŋimoe akirimokin iwon kidiŋ; itijiete ekarikon a Isirael.

Naum 3:2

Kiira, eruye ŋolo ka adaset ka eruye a ŋakejen a ŋaŋolei ta ŋolo a ŋagaari a ŋuna iritae a ŋaŋolei.

Sakar 6:13

Erae iŋes edukokini Akai ŋina ke Ekapolon, ido einakinio iŋes apolou ŋina ailiilon, iboikin iŋes kipuka alokicoloŋ a ŋolo ka apolou. Eruwor iŋes esacaradoti anapukan keŋ. Itiyaete ikes ŋiarei kaapei alotooma ekisil ka akimorikina.’

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Ŋitic. 2:19

Etiyakini ayoŋ ŋakujuwuanisya alokidiama ka ŋaumonokineta alokwap: eyakaun ŋaokot ka akim ta apuru ŋina alalan nooi;

Ŋitic. 2:3

Kiŋolikis nai ikes ŋiboorei ŋulu ekote ŋakimia ielakin pena neni kec a daadaŋ.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋikat. 13:18

Nai toboŋok emalaika ŋolo ke Ekapolon Manoa tema, “Kaanukiro iŋitar iyoŋ ekiro kaŋ? Erae ekiro kaŋ ŋolo eiliili nooi.”

1 Sam. 14:19

Ani eriŋa Saul irworosi ke esacaradoti, kiyatakin ecelet aneni ayakasi Ŋipilistin torem kidiama. Tema Saul neni ke esacaradoti, “Kimyek ŋun, mam nabo apaki ŋina iŋisere Ekapolon ŋuna kitiya.”