Isa. 9:3 - Ebaibul

³ Itipitu iyoŋ ŋituŋa a akwap, iyatak iyoŋ alelyanu kec. Elelyanete ikes alokiŋaren kon lopite ŋolo elelyanere apaki ŋina elemere, lopite ŋolo elelyaniata ŋituŋa ekorete ŋiboro ŋulu eŋatunete,

Isa. 9:3 Iomraidhean Croise

Neem. 9:23

Ibu iyoŋ kitipitu ŋiletok kec, tolalata ikwa ŋikacer ka ibu iyau ikes nakwap ŋina ilimokinit iyoŋ atapapaa kec alomar ka akituruwor ŋina kec.

Yob 12:23

Ituruwonori Akuj ŋakwapin ŋuna egogoŋ, ani ekaku tomunya ikes; enyae iŋes ŋakwapin, ani ekaku kitoŋopiya.

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Ŋikiru. 119:162

Alelyani ayoŋ alotooma akirot kon, lopite ŋolo elelyania ituŋanan ŋini eŋatari ibore ŋini alalan nooi.

Ŋikiru. 4:7

Iwuak iyoŋ Ekapolon alelyanu lotau kaŋ akilo alelyanu a ŋimoe kaŋ, tari apaki ŋina alemitotor ikes ŋikinyom ŋulu alalak nooi ka apaki ŋina ayakatar epiini ŋolo alalan nooi.

Isa. 10:26

Ayoŋ Ekapolon ŋolo a ŋajoresyo adai ikes a adaset lopite ŋolo abunio odaiya ŋituŋa a Midian anataaba a Oreb; esicani ayoŋ ŋituŋa ŋulu eya nanamyo, lopite ŋolo abunio esicania ŋituŋa a Ijipit.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 14:5

Alema Ekapolon apedor a ŋolo aronon, alema Ekapolon apedor a ŋikepukak

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 26:15

Okoe Ekapolon itolalau iyoŋ akwap kosi, iyatak iyoŋ akwap kosi alowaetin a daadaŋ; aŋun ikitopolooritae iyoŋ.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 54:1

Alimu Ekapolon ŋakiro nu, “Okoe iyoŋ aberu ŋina ikolupana, toeik, tocelu ieo ka kiworou iyoŋ ŋina nyeanyuna aryeba ŋina ka akidoun! Anerae aryamu aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 61:7

Akilo ŋileec ŋulu apotu ŋituŋa kaŋ toryamut, eryamunete ŋituŋa kaŋ ebari ŋolo alalan akilo; akiyaloloŋ ŋina apotu ŋituŋa kaŋ toryamut, eryamunete alelyanu anibore a ŋini eryamunete, eryamunete ibore ŋini alalan anakwap ka eruwor alelyanu ŋina a ŋikaru ka ŋikaru ŋina kec.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Isa. 65:18

Nai tolakaros ka tolelyana ŋikaru ka ŋikaru aŋuna a ŋiboro a ŋulu asubuni ayoŋ, anerae eapi ayoŋ asubun Yerusalem ikwapei neni eyai alelyanu kaŋ, neni eyai alakara kaŋ lotuŋa keŋ.

Isa. 66:10

Tolelyana ka Yerusalem ka tolakaros aŋuna keŋ, iyes daadaŋ ŋulu iminasi iŋes, Tolelyana ka iŋes analelyanu keŋ iyes daadaŋ ŋulu iyaloloŋete aŋuna keŋ,

Yer. 31:7

anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Osea 4:7

Ani ilalakunete iyes ŋisacaradotin, tolalata ŋasecisya daŋ ŋuna eseceseceneneo neni kaŋ, eturuwori ayoŋ apolou kus acaryoonut.

Ŋilep. 26:13

Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Sakar 10:8

“Anyarauni ayoŋ ŋituŋa kaŋ, ido ocunak ikes daadaŋ nakwap kec. Aiuni ayoŋ ikes, ido etipituni ikes, tolalata ikwapei sek ayakatar.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Luk. 11:22

Ani bo ca nai kebu ece ŋolo iloit iŋes, edemari iŋes ŋiboro daadaŋ ŋulu jiyet ŋulu sek aruunitor iŋes, totyakatyaka ŋikeeboro.

Ŋitic. 8:8

Aŋun, toyakaun alelyan nooi lotaun ŋolo apolon ŋol.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

Ŋikat. 5:3

Kiirasi iyes ŋirwosi; topupokisi iyes ŋikapolok, aeikini ayoŋ neni ke Ekapolon, aeikini ayoŋ eete neni a Ekapolon Akuj a Ŋisirael.

Ŋikat. 7:22

Ani ekutakinete Gideon ka ŋirukitos keŋ ŋamomwar a ŋimesekin ŋun ŋamiae ŋauni kisicumak Ekapolon Ŋimidian make, kicumucumas daadaŋ a ŋileŋia. Toema ŋajorei a Ŋimidian todolo Bes-Sita ekerete lowae ŋolo a Sesira todolo tari lotaun Abel-Meola ŋolo eyai diyete Tabas.

Ŋikat. 8:12

Toema Salimuna ka Seba, kiwuap Gideon ikes, todita ŋirwosi a Ŋimidian ŋuluarei ŋul Seba ka Salimuna, kitubul ajore kec daadaŋ.

1 Sam. 30:16

Toriko esorokit ŋol Daudi totiyaaror kwap, toryamut ikes ŋikaremok kec kielakin nakwap kec, imujete ka emasete kidoŋaete, anerae aŋatunito ikes ibore daadaŋ elal nooi anakwap a Ŋipilistin ka anakwap a Yudaya.