Isa. 9:19 - Ebaibul

¹⁹ Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Isa. 9:19 Iomraidhean Croise

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 13:13

Aŋun, etamaranikini ayoŋ kidiama ka emaranikini akwap anakisyakinet keŋ aŋuna ka anyunyura a Ekapolon a ŋolo a ŋajoresyo itiyakin ŋun akoloŋit ŋina ka aŋoit keŋ a ŋina adedeŋan.

Isa. 13:18

Earyo ŋisorok kec a ŋikaleŋeleŋe, nyisyoniyete ikes tari ŋiŋweya, nyisyoniyete ikes ŋidwe ŋulu cicik.

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 3:5

Iteryamun ŋituŋa make ŋican, imanakin ŋituŋa make, imanakin ŋikidunyet make, eremokin ŋisorok ŋikasikou ka nyitopoloorete ŋituŋa ŋulucaryo ŋikapolok kec.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 60:2

Epetakin akirwonut akwap daadaŋ, erapuwari akirwonut ŋituŋa daadaŋ, nai ebuni Ekapolon neni kus, etakanuni apolou keŋ neni kus.

Isa. 8:22

kori ijuuruyete nai iŋolikinete ikes ŋican ka akiryonut, enyorididete ŋireetin kec ka eryebakinosi ikes, ido iritaryo ikes nakiryonut ŋinakiryonon cuc.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Esek. 20:47

tolimok amoni ŋina alo Negeb atemar kiira ŋakiro a Ekapolon, alimu Ekapolon, Akuj ebe, ‘Eapi ayoŋ akitenepun akim aneni kon, enyamuwari akim ŋin ŋikito ŋulu alibak daadaŋ ŋulu eya tooma kon ka ŋikito daadaŋ ŋulu eya tooma kon ŋulu aonok. Mam ibore epedori akituduŋere arira ŋina etitae nooi ŋin. Enomi amwanis a arira a ŋin ibore daadaŋ ŋini eyai lowae ŋolo alo Kwap tomyaa lowae ŋolo alo Kuju.

Esek. 9:5

Abu iŋes tolimok ŋirukitos a ekile a ŋol apupi ayoŋ tema, “Totupakisi iŋes kirimokis etaun daadaŋ toara ŋituŋa, nyimyekis ituŋanan daadaŋ ŋini iŋolikinete iyes, kori nyikisyon ituŋanan idio.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Yoel 2:3

Irikarete ikes ŋikito ikwa irikarya akim. Ikwaanikin akwap ŋina eyai kiŋaren keŋ ka emanikor ŋolo ke Eden, nai kaku keŋ, eruwor aloŋisat ŋina eonit deu, ido mam ibore imyekini iŋes.

Ŋilep. 26:26

Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Amos 5:18

“Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Obad. 1:18

Ededeŋiar ekal a Yakob ikwa akim, ededeŋiar ekal a Yosepu ikwa arira, ido eruwor ekal ke Esau ŋolo icunyo; icunyarete ikes ekal ke Esau kitoŋopiyasi, mam ituŋanan idoŋi eyari alokal ke Esau, anerae adau Ekapolon alimun ŋun.

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Mika 7:6

anerae ediŋakin esapat ka papa keŋ, ediŋakin apese ka toto keŋ, ediŋakin ateran ka tata keŋ, eruworosi ŋimoe a ituŋanan ŋituŋa ŋulupei alokal keŋ.

Sakar 11:6

Emam nabo ituŋanan eroko ayoŋ esyoni anakwap. Emyekini ayoŋ ŋituŋa kipukata ŋulu epolokinito ikes. Emunaarete ŋikepukak ŋul akwap, ido nyaiuni ayoŋ ŋituŋa anapedor a ŋikepukak kec.”

Sakar 11:9

Aŋun, abu ayoŋ olimok ŋamesekin ebe, “Nyaruwor nabo ayoŋ jik ekeyokon kus. Kimyekisi ŋuna erae totwaka totwaka, ŋuna erae tomunyarae tomunyarae, ŋuna idoŋete daŋ emunyarosi ikes make.”

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 27:45

Ameun alosaa a ŋolo a ŋikanikapei tari losaa ŋolo a ŋikanikaomwon ŋulu ka apaaran, kiryoniar akwap daadaŋ cuc.

Ŋitic. 2:20

isiryonio akoloŋ cuc, ka itereŋio elap puu kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.