Isa. 9:18 - Ebaibul

¹⁸ arirae aronis a ŋituŋa a ŋul ekwaan ka akim ŋina enomi amoni a ŋikukwa. Arirae aronis kec esibit akim ŋina enomi amoni ŋina irijija, akim ŋina eremi kidiama kikok apuru keŋ edou.

Isa. 9:18 Iomraidhean Croise

1 Ŋirw. 16:21

Apaki ŋin, totyakas ŋituŋa a Isirael ŋaarei. Toriwo atutubet apei ka Tibini lokoku a Ginas, akituruwor ŋol erwosit kec. Toriwo atutubet ŋinace ka Omiri.

Ŋikiru. 37:20

Nai emunyarosi ŋulu aronok, ikwaan ŋulu erae ŋimoe a Ekapolon ka akibuses ŋina a ŋinya; eŋopiyarete ikes ikwa apuru.

Ŋikiru. 68:2

Kirita ikes nariet lopite ŋolo ekutarya ekuwuam apuru nariet; kimyek ŋulu aronok todaunos alokiŋaren kon Akuj lopite ŋolo etalarya amanok anakim todaun.

Ŋikiru. 83:14

Tomunya ikes lopite ŋolo enomiyarya akim amoni tomunya ikes lopite ŋolo enomiyarya arira ŋinya alomoru,

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 27:4

mam anyunyura eyai neni kaŋ. Ani nai kelomu amoni ŋina a ŋikukwa alomanikor a ŋol, alosi ayoŋ nen akitijikin ikes, ecunya ikes daadaŋ a akim.

Isa. 3:5

Iteryamun ŋituŋa make ŋican, imanakin ŋituŋa make, imanakin ŋikidunyet make, eremokin ŋisorok ŋikasikou ka nyitopoloorete ŋituŋa ŋulucaryo ŋikapolok kec.

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 33:12

Ikwaanikinosi ŋituŋa enomit ka amoru ŋina icunyio tokwaŋiar; ikwaanikinosi ikes ka ŋikukwa ŋulu eyapakinitae kwap, ido kicunyae a akim.”

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 50:11

Nai irae iyes daadaŋ ŋulu itukosi amunyar ŋuluce, ikimunyarete iyes ŋakiro ŋunapei itukete iyes ŋikulepek. Ŋakiro nu ikes iryamunete aneni kaŋ a Ekapolon; iperete iyes irae ŋulu ikisicanitae nooi.

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Yoel 2:20

Alemari ayoŋ emaase ŋolo abuni alo Kuju eteeka aneni kus, eritari ayoŋ iŋes nakalukae ŋuna erae ŋacaryo anakwap, eritari ayoŋ asepic keŋ ŋina iŋareni nanam ŋina alo Kide, ido abusya keŋ nanam ŋina alo To; ebosuni iŋes a nen tul, eremi abosis keŋ kidiama.” Amunyari ayoŋ iŋes a ŋuna a daadaŋ eitiya iŋes neni kus.

Yoel 2:3

Irikarete ikes ŋikito ikwa irikarya akim. Ikwaanikin akwap ŋina eyai kiŋaren keŋ ka emanikor ŋolo ke Eden, nai kaku keŋ, eruwor aloŋisat ŋina eonit deu, ido mam ibore imyekini iŋes.

Amos 7:4

Abu nabo Ekapolon ekesileerek ayoŋ ŋakiro nu: Abu ayoŋ eŋolik Ekapolon itemonokini akim akisicania Ŋisirael. Abu akim ŋin tonom anam ŋina alotooma akwap ka abu tonom akwap daadaŋ.

Obad. 1:18

Ededeŋiar ekal a Yakob ikwa akim, ededeŋiar ekal a Yosepu ikwa arira, ido eruwor ekal ke Esau ŋolo icunyo; icunyarete ikes ekal ke Esau kitoŋopiyasi, mam ituŋanan idoŋi eyari alokal ke Esau, anerae adau Ekapolon alimun ŋun.

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.

Ŋibur. 6:8

Nai keruputu ŋikukwa ka edowan a nen, eruworosi ŋimanikorin ŋul ŋicaryo ŋulu eapi Akuj akicen ka icunyaryo ka akim.

Akis. 14:11

Erubakini apuru ŋina ka akim a ŋina isicani ikes elosi kidiama ŋikaru ka ŋikaru. Emam apaaran kori akuwar ŋina ieŋuniata alocan kec. Ŋituŋa ŋulu ilipete neni ke etyaŋ a ŋol ka neni ke etorube keŋ, ikes ŋulu eyai emacar keŋ loreetin kec.”