Isa. 9:17 - Ebaibul

¹⁷ Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:17 Iomraidhean Croise

Yob 15:34

Erae atukot a ŋituŋa a ŋulu nyikinyomito Akuj ŋina ikwaan ka ibore ŋini ekolupana, enomiyari akim ŋakais kec ŋuna apotu ikes toduko a ŋakaluŋuluŋui.

Ŋikiru. 109:12

Emaikina todaun ituŋanan erimakini iŋes, kori ŋini isyoni ŋidwe keŋ ŋulukokyok.

Ŋikiru. 147:10

Nyeyai alakara keŋ naŋolei ŋuna agogoŋok nyeyai tari lokajiok ŋulu adedeŋak;

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Isa. 10:4

ikotere nyijoro aneni eya ŋienan, kori nyitwanikis neni a ŋulu earitae? Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 13:18

Earyo ŋisorok kec a ŋikaleŋeleŋe, nyisyoniyete ikes tari ŋiŋweya, nyisyoniyete ikes ŋidwe ŋulu cicik.

Isa. 14:20

Nyepote ŋituŋa nalyal kon akinuk iyoŋ, anerae ibu iyoŋ kinyasu akwap kon ibu iyoŋ toar ŋituŋa kon. Elipi nyenyarae ŋiletok a ŋirorwa a ŋituŋa a ŋulu apotu kitiyata aronis.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 31:2

Toyenete rika atemar eos Ekapolon ka eyauni ŋican, nyeesyanakini ŋakiro ŋuna elimuni, nai eremokin ŋikalya a ŋulu itiyaete aronis ka eremokin ŋikeŋarakinitok a ŋulu asecak.

Isa. 31:3

Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Isa. 33:11

Iyeete iyes ŋakiro ŋuna erae ŋacaryo ŋuna ikwaan ka ŋamilo, itiyaete iyes ŋakiro ŋuna edaunosi ikwa ŋinya; erae ekieŋanu kus akim ŋina ikinomiyari iyes.

Isa. 33:12

Ikwaanikinosi ŋituŋa enomit ka amoru ŋina icunyio tokwaŋiar; ikwaanikinosi ikes ka ŋikukwa ŋulu eyapakinitae kwap, ido kicunyae a akim.”

Isa. 40:30

Epedori akileleny ka akiup ŋisorok, eupi nooi tari ŋidwe ŋulu cicik;

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:21

Emunyarete ŋituŋa a Epuraim ŋulu a Manase ka emunyarete ŋituŋa a Manase ŋulu a Epuraim, itijiete ŋuluarei ŋul Yudaya. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Esek. 20:33

Alimu Ekapolon Akuj ebe, “Ikwapei kire jik ayarya ayoŋ, ekepukae ayoŋ iyes a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Amos 8:13

Akoloŋit ŋin, irakari akure ŋasorok ka ŋisorok.

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Mat. 16:3

Ani ereŋ adis taparacu, itemarete iyes, ‘Elosi akiru akilim, anerae ereŋ adis ka idisit neni ikitubuli.’ Iyenete iyes apolou ke epite ŋolo eyakar adis, nai ikipiyorit ayenun apolou a ŋakiro a ŋuna itiyasi ŋirwa lu!