Isa. 9:15 - Ebaibul

¹⁵ Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Isa. 9:15 Iomraidhean Croise

1 Ŋirw. 13:18

Tema nai ekadwaran ŋolo amojoŋit ŋol neni keŋ, “Ayoŋ daŋ arae ekadwaran ikwapei iyoŋ, ido abu emalaika kirwor neni kaŋ ŋakiro ke Ekapolon ebala, ‘Kinyaku iŋes toboŋut ka iyoŋ kai kon, ikotere iŋes imuji akimuj ka emasi ŋakipi.’ ” Nai amodikinit ekadwaran ŋol ekile ŋol.

Yob 22:8

Erae mono akwap ŋina a ŋituŋa a ŋulu agogoŋok bon a? erae mono iŋes ŋina a ŋulu emaikina kiboiyoto alotooma keŋ a?

Isa. 19:15

Mam ipei daŋ alo Ijipit ŋini epedori akiŋarakin ikes kerae ekabaran, kori ekulyakit, ŋini itopolooritae, kori ŋinicaryoit.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 28:17

Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Isa. 3:5

Iteryamun ŋituŋa make ŋican, imanakin ŋituŋa make, imanakin ŋikidunyet make, eremokin ŋisorok ŋikasikou ka nyitopoloorete ŋituŋa ŋulucaryo ŋikapolok kec.

Isa. 43:27

Abu papaa kus ŋolo esyaunan tosec ka apotu ŋikerworok aŋuna kus toseca neni kaŋ.

Isa. 5:13

Aŋun, erikoryo ŋituŋa kaŋ nakwap ace aŋuna pa ayeneta ŋakiro kaŋ, eari akoro ŋikapolok kec ka enyami akure ŋituŋa kec ŋulu alalak nooi.

Isa. 59:3

Nyesegak ŋakan kus, anerae iara iyes ŋituŋa, itiyaete iyes asecit a ŋimoyo kus ka irworosi iyes ŋuna ka alyokonu, ileleba ŋakiro ŋuna aronok naŋajepa kus.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Yer. 23:32

Kiirasi, etidiŋit ayoŋ ŋikadwarak ŋulu edwarete ŋakirujaeta ŋuna ka amodiyo, ŋulu elimonokinete ŋituŋa kaŋ ŋakirujaeta ŋuna ka amodiyo ka ŋikadwarak ŋulu amodiyasi ŋituŋa kaŋ aneni kaŋ anakirworo ŋakiro ŋunacaryo ŋuna erae amodiyo, nyeyakiyarit bo ayoŋ ikes, kori nyaseunit ayoŋ ikes. Aŋun, nyitiyaete ikes ajokis adio neni a ŋituŋa a lu.

Yer. 23:9

Aŋuna a ŋikadwarak: Alilimiyo etau kaŋ, emaranete ŋakoyo kaŋ daadaŋ; aŋuna a Ekapolon ka aŋuna a ŋakiro keŋ a ŋuna asegak, Ikikwaanikin ayoŋ ka ituŋanan ŋini emera, ituŋanan ŋini alema epiini agogoŋu.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Osea 9:8

Erae ekadwaran eketen akwap aŋuna ka Akuj kaŋ aneni a ŋituŋa a Epuraim, kikote neni daŋ, elokitae iŋes alorotin keŋ a daadaŋ ka imanito iŋes ŋituŋa ŋulu eya Kai ka Akuj.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

Mal. 2:9

Aŋun, ayoŋ daŋ eketuruwori iyes ŋulu ikijamuwaritae ka ŋulu ikisirumito ŋituŋa daadaŋ ŋileec, anerae iŋero iyes ŋuna abala ayoŋ kiwuapa, ido nyitatamete iyes ŋituŋa ŋakiro ŋapei.”

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

1 Sam. 9:6

Nai tema eketiyan ŋol neni a Saul, “Eyai lotaun ŋol ekile ŋolo erae ituŋanan ŋini ka Akuj, erae iŋes ekile ŋolo itopolooritae. Iyoonokin ŋakiro daadaŋ ŋuna elimuni iŋes. Apena neni keŋ tokona; acepaki ikilimokini iŋes iwon neni ikiryamunia ŋisigirya.”