Isa. 9:13 - Ebaibul

¹³ Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Isa. 9:13 Iomraidhean Croise

2 Ŋakiro a ŋirwa 28:22

Anapaki a ŋina ayakar Aas natyokisyo, abu toŋer jik akikinyomit neni ke Ekapolon.

Yob 36:13

“Erubakinete ŋulu nyikinyomito Akuj alotai kec eyakatar aŋoit, nyigworonokinete ikes Akuj kiŋarak ikes apaki ŋina itukya Akuj ikes.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 19:15

Mam ipei daŋ alo Ijipit ŋini epedori akiŋarakin ikes kerae ekabaran, kori ekulyakit, ŋini itopolooritae, kori ŋinicaryoit.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Isa. 7:20

“Akoloŋit ŋin, ipaŋgauni Ekapolon erwosit ŋolo ka Asiriya alokekwaye aŋolol Eupurate tobany ŋakyes kus, ŋitim ŋulu a ŋakejen kus ka ŋipeneka kus.

Yer. 15:7

Abu ayoŋ ekemasana iyes alotaunio a daadaŋ, lopite ŋolo ekutarya ekuwuam ŋikabinin, adau ayoŋ akiyaloloŋ aŋuna kec, adau ayoŋ amunyar ŋituŋa kaŋ, anerae apotu ikes nyilocokis ŋipitesyo kec ŋulu aronok.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Esek. 22:24

“Lokoku a ituŋanan, tolimok Ŋisirael atemar nyerae akwap kec ŋina itesegitae, mam akiru abu min neni keŋ akoloŋit ŋina abunio ayoŋ onyunyur aŋuna keŋ.

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Osea 7:10

Elimorit akituro a ŋituŋa a Isirael ŋuna etubokinere ikes, nai nyemisito ikes aboŋun neni ke Ekapolon Akuj kec, kori daŋ nyiwarito ikes Ekapolon aŋuna a ŋakiro a ŋun a daadaŋ.

Osea 7:16

Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Amos 4:6

Torubak Amos irworo tema, “Ebala Ekapolon, ‘Abu ayoŋ ekesican iyes a akoro alotaunio kus a daadaŋ, abu akimuj tomamuun anakiboisyo kus a daadaŋ; nai ipotu iyes nyikiwa.

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

Ŋikis. 4:29

Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.