Isa. 8:8 - Ebaibul

⁸ Egiraarete ikes akwap a Yudaya daadaŋ lopite ŋolo egiraarya akalele akwap toburusiya ibore daadaŋ.” Ikirukit isua ka Akuj, imukito ŋabebenuk keŋ akwap kosi.

Isa. 8:8 Iomraidhean Croise

2 Ŋirw. 17:3

Abu erwosit ka Asiriya ŋolo anyaritae Salimaneser bu akitijiore iŋes. Tocamu Osea ŋolo sek arae ekawoikiniton keŋ, atacanakin ocur neni keŋ a ŋolokaru.

2 Ŋakiro a ŋirwa 12:4

Kikama Sisak ŋitaunio ŋulu aya ŋaduketa ŋunajiet alo Yudaya, tolot kitijik tari Yerusalem.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 7:17

Eyauni Ekapolon neni kon ka neni a ŋituŋa kon ta nateker kon ŋirwa ŋulu a ŋican ŋulu nyetakanuna ŋinapei ameun anakoloŋit a ŋina atyakaror Epuraim alo Yudaya. Iyakuuni Ekapolon erwosit ka Asiriya neni kon.

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Yer. 47:2

“Topupok, anyout ŋakipi alo Kuju, ido eruworosi akalele ŋina ti apolon, elelekinete akwap ka ŋinibore daadaŋ eyai nakwap, elelekinete ŋitaunio ka ŋituŋa daadaŋ ŋulu iboiyete alotaunio, igworete ŋituŋa, iwololokinete ŋituŋa daadaŋ ŋulu iboiyete anakwap.

Yer. 48:40

Alimu Ekapolon ŋakiro nu ebe, “Kiirasi, emotun egole Moab, emotun iŋes epetarit ŋabebenuk keŋ, imanit ŋituŋa a Moab.

Yer. 51:42

Alelekis ŋakipi a anam Babilon, ebwaliyasi iŋes ŋikaguragurae a ŋakipi ŋulu erwosi.

Esek. 17:3

Tema iyoŋ neni kec, ‘Alimu Ekapolon Akuj atemar, ayai egole ŋolo apolon nooi ŋolo ayakar ŋabebenuk ŋuna apolok nooi, ayakar iŋes ŋakopir ŋuna aoyak, ŋuna agelegelya ŋiraŋgi. Abu egole ŋol toporo lomoru ŋulu a Lebanon, tobilibilaa ŋakyes a ŋikito a ŋulu enyaritae Cedar,

Esek. 26:19

“Alimu Ekapolon Akuj atemar, ani eketuruwori ayoŋ iyoŋ Tiro ereŋorot koŋin, ikwa ŋitaunio ŋulu emam ituŋanan eyai ka ani akasipori ayoŋ iyoŋ kwap anam ikilelyaasi ŋakipi,

Dan. 11:10

“Ekaku, ecunakinete ŋidwe a erwosit a ŋolo alo Kuju ŋulusapa ŋasigarya ŋuna alalak nooi toloto esibit akalele ka mam ibore iretakini ikes, ejiyorosi ikes jik tari naduketait ŋinajiet.

Mika 1:9

Ikwaan ŋakiro a Samaria ka etoku; adolut ŋakiro ŋun tari Yudaya. adolut tari lokek a ŋituŋa kaŋ, Yerusalem elope.

Mika 5:5

Iŋes eyauni ekisil. Ani kepotu ŋituŋa ŋulu ka Asiriya nakwap yok, kitorut naduketa ŋunajiet, iyakiyaryo iwon ŋikarikok yok ŋulu egogoŋ kitijikis ikes.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)