Isa. 8:4 - Ebaibul

⁴ Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Isa. 8:4 Iomraidhean Croise

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 16:9

Abu erwosit ŋolo ka Asiriya tocamu ŋakiro ka Aas, tosodi min torem Damasko kikama. Torik ŋituŋa, ya Kir lotaun ŋolo ka akwap keŋ, ido toar Resin ŋolo arae erwosit.

2 Ŋirw. 17:3

Abu erwosit ka Asiriya ŋolo anyaritae Salimaneser bu akitijiore iŋes. Tocamu Osea ŋolo sek arae ekawoikiniton keŋ, atacanakin ocur neni keŋ a ŋolokaru.

Isa. 17:1

Ŋakiro ŋuna adwarit Ekapolon aŋuna a Damasko ikes nu, “Kiirasi, ejoŋoe Damasko araakau etaun, ido eruwor iŋes ŋatukon a ŋamoru ka ŋamatapali ŋuna adukitere.

Isa. 17:3

Elemaryo aduketait ŋinajiet alo Epuraim ka elemaryo apukan alo Damasko, ido ikwaanikinosi apolou ŋina a ŋipiya ka Aram ka ŋina a Ŋisirael.

Isa. 28:4

ŋulu ecucukaiya akibuses kec ikwa ŋatur ŋuna itanapikinitae neni a ŋikapolok a ŋulu imujete ŋamuja ŋuna ajokak, ikwaanikin ikes ka ŋaboboryo ŋuna ekokete eriŋa akamu, ŋuna elemari ituŋanan ca daadaŋ ŋini iŋolikini.

Isa. 8:5

Kirwor Ekapolon nabo neni kaŋ tema,

Amos 1:3

Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Amos 1:5

Eelari ayoŋ ŋasuwa ŋuna edukitere epuke a Damasko, ido amunyari ŋituŋa daadaŋ ŋulu iboiyete anakadipaalat ka Apen, alemari ayoŋ ŋini eyakar apedor alo Bes-Eden, erikoryo ŋituŋa ka Aram nakwap a Kir.”

Yona 4:11

Nyemaikina nai ayoŋ esyoni Ninepe, etaun ŋolo apolon ŋolo eyakar ŋidwe ŋulu edeparito ŋalipyo amiat ka ŋatomoniarei ŋulu nyeyenete ŋuna iyookino ka ŋuna nyiyookino a? Nabo toya ŋityaŋ ŋulu alalak a daŋ a?”

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

Ŋikis. 1:39

Nai ŋidwe kus ŋulucicik ŋulu sek itamete iyes atemar eŋataryo, ŋidwe kus ŋulu tokona nyeyenete ŋuna aronok ka ŋuna ajokak, ikes elomarete nakwap ŋin; ainakini ayoŋ ikes akwap ŋin ka ituruworete ikes akwap ŋin ŋina kec.