Isa. 8:22 - Ebaibul

²² kori ijuuruyete nai iŋolikinete ikes ŋican ka akiryonut, enyorididete ŋireetin kec ka eryebakinosi ikes, ido iritaryo ikes nakiryonut ŋinakiryonon cuc.

Isa. 8:22 Iomraidhean Croise

Yob 18:18

Adaun akimasar ikes anakica tooma nakiryonut adaun akiritar ikes anakwap.

Awos. 10:21

Tema nai Ekapolon neni a Moses, “Kikyaa akan kon kidiama, ikotere toburusiya akwap a Ijipit akiryonut ŋina epedori ainakin ŋituŋa ekabule.”

Awos. 10:22

Aŋun, abu Moses kikyaa akan keŋ kidiama, ido abu akiryonut ŋina eryonon cuc, toburusiya akwap a Ijipit daadaŋ todolo ŋirwa ŋiuni iryono cuc.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 50:11

Nai irae iyes daadaŋ ŋulu itukosi amunyar ŋuluce, ikimunyarete iyes ŋakiro ŋunapei itukete iyes ŋikulepek. Ŋakiro nu ikes iryamunete aneni kaŋ a Ekapolon; iperete iyes irae ŋulu ikisicanitae nooi.

Isa. 50:3

Ayoŋ esiryoni kidiama totakan esibit igworo aŋuna a ŋikatwak.”

Isa. 59:9

Aŋun, elwaka aneni kosi ŋakiro ŋuna ka akiyookino, nyeryamununio isua ŋakiro ŋuna ka akiyookino. Ikiitanit isua ayenun ŋakiro ŋuna a kire, nai erae ŋakiro daadaŋ abaŋao bon. ikitanit isua akitiya ŋakiro a alakara, nai ikilosi isua ikiyaloloŋi.

Isa. 60:2

Epetakin akirwonut akwap daadaŋ, erapuwari akirwonut ŋituŋa daadaŋ, nai ebuni Ekapolon neni kus, etakanuni apolou keŋ neni kus.

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Isa. 9:1

Kikote neni daŋ, nyeyakaun akiyaloloŋ neni a ŋulu sek eryebasi. Alorwa a ŋulu a ekiŋaren aponi tojamuwarae ŋituŋa a akwap a Sebulon ka ŋulu a akwap a Naputali, nai alorwa a ŋulu eponito itopolooryo Galileya akwap ŋina a ŋituŋa a ŋakwapin. Epoloor iŋes aŋuna ke erot a ŋolo itorunit diyete anam Mediteranian ka aŋuna ke erot a ŋolo alokekwaye Yorodan.

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 23:12

“Aŋun, erae ŋuna iwuapito ikes nakou kec, ikwaanikin ŋuna iwuapito ikes ka akiwuapit erot ŋolo ecurut iryono akwap, emyaaryo ikes nen kibusokinos; anerae ayauni ayoŋ ŋican neni kec alokaru a ŋolo isicanere ikes.

Mat. 22:13

Tolimok erwosit ŋipi keŋ tema, ‘Toena iŋes ŋakan ka ŋakejen, kimasasi kiŋa nakiryonut. Kigwor aina, tokonyanak ŋikyal.’

Mat. 24:29

“Ani elunyari ŋican ŋulu a ŋirwa a ŋul, iryoniar akoloŋ, nyecauni elap, ecakunosi ŋikacer anakuj, nabo emaranikinete ŋisubuna daadaŋ ŋulu alokidiama.

Mat. 8:12

Nai ŋituŋa ŋulu emaikina toya Napukan, ecakakinio ikes nakiryonut, kigworo toryeba ŋikyal a nen.”

Yud. 1:13

Ikote ikes ŋakipi ŋuna ka anam imorokokoete, kilepunito ekurudo ŋolo a ŋileec kec; ikote ikes ŋikacer ŋulu imasanar ŋulu adau Akuj akitemokin aŋuna kec akiryonut ŋina iryono cuc, ŋina ruba.

Akis. 16:10

Tobukok emalaika ŋolo a ŋikan anyunyura ŋina ka Akuj anabakule keŋ lokicoloŋ ŋolo ke etyaŋ. Kiryoniar ebuku ŋolo ke etyaŋ cuc; tokonyokonyata ŋituŋa ŋaŋajepa kec aŋuna aryebatar.