Isa. 8:18 - Ebaibul

¹⁸ Kiŋolikinae ayoŋ lo ka ŋidwe ŋulu abu Ekapolon okoinak ayoŋ, ikirae akitoodikinet ka aumokinet alo Isirael aneni ke Ekapolon a ŋolo a ŋajoresyo a ŋolo iboi alomokura Sion.

Isa. 8:18 Iomraidhean Croise

Akisy. 33:5

Ani ikeuni Esau ereet, iŋolikini ŋaberu ka ŋidwe, tema, “Ata ŋae lu, ŋulu irukito ka iyoŋ lu?” Toboŋok Yakob tema, “Erae ŋidwe lu ŋulu ainaki Akuj anajokis keŋ neni a eketiyan kon.”

1 Ŋakiro a ŋirwa 23:25

Abu Daudi tema, “Adau Ekapolon Akuj a Ŋisirael akisieŋar ŋituŋa keŋ; ido iboi iŋes alo Yerusalem ŋikaru ka ŋikaru.

Ŋikiru. 22:30

Itiyanakinete iŋes ŋanyameta daadaŋ ŋuna eponito, elimonokinio ŋanyameta daadaŋ ŋuna eponito ŋakiro ke Ekapolon.

Ŋikiru. 71:7

Arae ayoŋ ŋinapei akitaanyunet ŋina ajokan neni a ŋikalalak, nai iyoŋ irae neni egogoŋ neni aiunor ayoŋ.

Ŋikiru. 9:11

Kipuro a ŋieosyo Ekapolon ŋolo ipukat alo Sion; kiserakisi lotuŋa a ŋakwapin ŋuna adau iŋes akitiya;

Ŋikiru. 9:12

anerae isicani Akuj ŋinituŋanan ŋini isicani ŋituŋa keŋ; nyimuryakini iŋes akigworo kec.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 20:3

Tema nai Ekapolon, “Lopite ŋolo alosyo eketiyan kaŋ Isaya eleri ka pa enapit ŋamuk ŋikaru ŋiuni ikwapei akitoodikinet ka aumokinet neni a ŋituŋa a Ijipit ka Esiopia,

Isa. 24:23

Ereŋuni elap puu ka iryoniar akoloŋ cuc; anerae Ekapolon ŋolo a ŋajoresyo iŋes ipukae alomukura Sion ka alo Yerusalem, ido itoodikini iŋes apolou keŋ neni a ŋikapolokinitok a ŋituŋa.

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Isa. 7:16

Eriŋa ikoku ŋin nyeyenuna akiŋer aronis ka aseun ajokis, eruwor akwap a ŋirwosi a ŋiarei a ŋulu ikerito iyes ekasile.

Isa. 7:3

Tolimok nai Ekapolon Isaya tema, Toloto ka lokoku kon Sear-Yasub kisiryama Aas anakisalet a edoket a ŋolo elosere neni eya ŋakipi anabwal a ŋina alokidiama a ŋina eyai lorot ŋolo elosere neni ilosyata ŋiketiyak ŋilowi,

Isa. 8:3

Abu nai ayoŋ eryamakin ka aberu kaŋ ka abu topoti ka kidou ikoku ŋinisapat. Okolimok nai Ekapolon ayoŋ tema, “Tolimok iŋes ekiro ‘Toŋatasi atipei ka Toryatasi atipei.’

Yer. 44:29

Ebala Ekapolon, ‘Erae akitoodikinet atemar abuni ayoŋ akisican iyes anakibois a na, ikotere iyenuniata iyes atemar iyookin kire jik ŋakiro kaŋ ŋuna alimu ayoŋ aŋuna kus:

Esek. 12:6

Tonap ŋiboro kon aloseketa kon iteete ikes tolomarya kiŋa nakiryonut; emaikina iyoŋ torap eeret kon, ikotere nyiŋolik iyoŋ neni ipudae, anerae eketuruwo ayoŋ iyoŋ akitoodikinet ŋina einakini Ŋisirael atamatam ŋuna kitiyakina.”

Esek. 14:8

Etoroniyari ayoŋ ituŋanan ŋini itiyae ŋun. Eturuwori ayoŋ ituŋanan ŋini itiyae ŋun akitoodikinet, ibore ŋinicaryoit ka alemari ayoŋ iŋes alotuŋa kaŋ; ido iyenunete iyes atemar arae ayoŋ Ekapolon.

Esek. 4:3

Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Luk. 2:18

Ŋituŋa daadaŋ ŋulu apotu kiirasi, toumokis aŋuna a ŋakiro a ŋuna erworosi ŋikeyokok.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Ŋikis. 28:46

Idoŋete ŋilam ŋul eyakasi neni kus ka neni a ŋiletok kus erae ŋakitoodyanakineta ka ŋaumonokineta aneni kus ŋikaru ka ŋikaru.

Ŋibur. 10:33

Ipotu iyes a ŋacepakio toruworos ŋulu ikiyanyo ka itobolyare alokiŋaren ŋituŋa ka a ŋacepakio ipotu totenito akimorikin ka ŋulu etiyanakinio neni kec ikwaŋinapei.

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.