Isa. 8:13 - Ebaibul

¹³ Nai Ekapolon ŋolo a ŋajoresyo iŋes bon emaikina ituruworyo ŋolo eseg, toker iŋes bon ka tokuryan nooi aŋuna keŋ.

Isa. 8:13 Iomraidhean Croise

Akisy. 31:53

Elipi ayoŋ Akuj ŋina ka Aburaam ka Naor, Akuj ŋina a papa kec totub ŋakiro yok.” Apotu ŋakiro ŋun kisikoŋo Yakob anakerit Papa keŋ Isaka.

Ŋikiru. 76:7

Iyoŋ bon emaikina itokeri. Ŋae epedori akiwo alokiŋaren kon apaki ŋina iŋoitor iyoŋ?

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Isa. 29:23

anerae ani iŋolikinete ikes alokidiŋ kec ŋidwe kec ŋulu asubuni ayoŋ, ecamunete ikes asegis a Akuj a ŋina asegan a ŋina a Yakob, itopoloorete ikes Akuj a Isirael.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Esek. 38:16

Ipote iyes akirem ŋituŋa kaŋ Ŋisirael, ipote iyes ibutarito akwap ikwa edou. Okoe iyoŋ Gog, alorwa a ŋulu eponito akayauni ayoŋ iyoŋ torem akwap a ŋituŋa kaŋ, ikotere nai ŋituŋa a ŋakwapin okoyenut ayoŋ apaki ŋina etoodiunia ayoŋ asegis kaŋ neni kec aneni kon.’

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋilep. 22:32

Nyemaikina iyes tomunaasi ekiro kaŋ ŋolo asegan. Emaikina ayoŋ akacamunito ŋituŋa kaŋ Ŋisirael arae ŋolo aseg. Arae ayoŋ Ekapolon, ŋolo abu eketuruwo iyes ŋulu isegak.

Mal. 2:5

Arae Acamunet kaŋ ka Lepi ŋina ka akiyar ke ekisil. Abu ayoŋ oinak iŋes akiyar ke ekisil, ikotere eketopoloorit ayoŋ, ido abu iŋes eketopoloo ayoŋ tomunik erae ŋolo ekerit ekiro kaŋ.

Ekim. 27:14

anerae ipotu iyoŋ ka Aron toŋero ŋakiro kaŋ, analoŋisat a ŋina a Sin apaki ŋina eŋuruŋurar atukot a Ŋisirael neni kaŋ, ipotu iyes nyikitopoloosi ayoŋ anasegis kaŋ alokiŋaren kec anakipi a ŋuna a Meriba.” (Erae ŋun ŋakipi a Meriba a ŋina alo Kades analoŋisat a Sin.)

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Ŋirom. 4:20

Abu iŋes nyimyek akikinyomit Akuj ka nyeŋayaŋaya ŋuna ka akiikinet a ŋina ka Akuj; abu anupit keŋ togogoŋior ido abu iŋes kitopoloo Akuj.

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

1 Sam. 11:7

Tolemu iŋes ŋimoŋin ŋiarei toar totubutubu, ido kiyakiya ŋatubeta inak ŋituŋa ŋulu abu iŋes kiyakiya nakwap a Isirael daadaŋ akisera ebe, “Etubutubuyo lopite lo ŋimoŋin a ituŋanan a daadaŋ a ŋini ewouni akiwuapakin Saul ka Samuel.” Min nai akuryanu aŋuna ke Ekapolon neni a ŋituŋa a daadaŋ, tocamut ŋituŋa ŋakiro a Saul ke epeitau.