Isa. 8:10 - Ebaibul

¹⁰ Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Isa. 8:10 Iomraidhean Croise

Akisy. 21:22

Apaki ŋin, temasi Abimelek ka Pikol ŋolo arae ekapolon a ŋasigarya keŋ neni ka Aburaam, “Irukito iyoŋ ka Akuj alotooma daadaŋ ŋuna itiyae iyoŋ.

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Sam. 17:4

Kitalakasi ŋakiro ka Aisopel Abusalom ka ŋikasikou a Ŋisirael.

2 Ŋirw. 6:12

Toboŋok epei a ŋikapolok a ŋasigarya keŋ tema, “Ekapolon, mam ipei daŋ. Erae ekadwaran ŋolo enyaritae Elisa alo Isirael, iŋes elimonokini erwosit a Isirael ŋakiro ŋuna irworo iyoŋ anagule kon a ŋina iperi iyoŋ.”

2 Ŋakiro a ŋirwa 13:12

Ikirukit isua ka Akuj; iŋes erae ekarikon kosi, eyakatar ŋisacaradotin keŋ ŋarupepe ŋuna ekutakinio anyaraunia ŋituŋa potu akitijiore iyes. Okoe iyes Ŋisirael, nyitijiyoto Ekapolon Akuj atapapaa kus, anerae nyilounete iyes.”

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Ŋikiru. 21:12

anerae ibwaŋi iyoŋ ikes; igumari iyoŋ ŋikaleŋeleŋe kon neni kec.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:8

Potu, kiŋolikisi ŋiticisyo ŋulu ke Ekapolon; kiŋolikisi ŋakiro ŋuna ka aumokin ŋuna etiyak iŋes nakwap.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 14:27

Ayeu Ekapolon ŋolo a ŋajoresyo akitiya ŋun Ŋae epedori akiretakin iŋes? Isicani tokona iŋes ŋituŋa ka Asiriya. Ŋae epedori akisimyekin iŋes ŋun?”

Isa. 28:18

Elemaryo acamunet kus ka atwanare, ikisaryo acamuna kus ka akibois ŋina a ŋikatwak; ani epote neni kus ŋican ŋulu etubulok, ikimunaarete iyes.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 43:5

Nyikuryaketa, anerae ikirukit ayoŋ ka iyes, ayauni ayoŋ ŋiletok kus alo Kide ka akacununi ayoŋ iyes alo To.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 8:8

Egiraarete ikes akwap a Yudaya daadaŋ lopite ŋolo egiraarya akalele akwap toburusiya ibore daadaŋ.” Ikirukit isua ka Akuj, imukito ŋabebenuk keŋ akwap kosi.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 42:11

Nyikuryaketa aŋuna ke erwosit a Babilon, lopite ŋolo sek ikuryaketa iyes, nyikuryaketa aŋuna keŋ, anerae ikirukit ayoŋ ka iyes, aŋuna ka aiun iyes ka alakun iyes anapedor keŋ.

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Yoel 3:9

“Kiserata ŋakiro nu nakwapin: Kitemonokinos aŋuna ke ejie, kisimukekisi ŋikajiok. Tolimokisi ŋasigarya daadaŋ toapuut, tolimokisi kikomaut.

Agai 1:13

Tolimok nai Agai, ekiyakia ŋolo ke Ekapolon ŋituŋa ŋakiro ŋuna ke Ekapolon tema, “Ebala Ekapolon, ikirukit ayoŋ ka iyes.”

Ekim. 14:9

Nai, nyemaikina iyes toŋero Ekapolon ka nyikera ŋituŋa a akwap a ŋin, anerae epatana iwon amunyar ikes, alemar agogoŋu aneni kec, ido ikirukit iwon ke Ekapolon nyikuryaketa aŋuna kec.”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋirom. 8:13

Anerae ani kiwuap iyes ŋipitesyo ŋulu ka aseconu, itwakete; nai ani kisitiyata iyes Etau ŋolo ka Akuj aarya ŋiticisyo kus ŋulu aronok, iyarete.

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 20:1

Ani ilosete iyes lojie akitijikin ŋimoe kus, ido kiŋolikis atemar elalak ŋaŋolei kec, ŋagaari kec ŋuna iritae a ŋaŋolei ka ŋasigarya a ŋimoe kus akilo ŋuna kus, nyikuryaketa aŋuna kec, anerae irukito iyes ka Ekapolon Akuj kus ŋolo ikitipeunio iyes anakwap a Ijipit.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.