Isa. 7:18 - Ebaibul

¹⁸ “Akoloŋit ŋin, ekutakini Ekapolon ekapiriicit anyaraunia Ŋijipitian, potu anakisaleta a ŋaŋololin a Ijipit elalak nooi esibito ŋicuc ka enyarauni ŋituŋa ka Asiriya potu elalak nooi esibito ŋicuc a ao.

Isa. 7:18 Iomraidhean Croise

Ŋikiru. 105:31

Abu Akuj kirworik, ido apotu ŋicuc ŋulu alalak nooi ka ŋikamicirwa kilelebun nakwap ŋin daadaŋ.

Ŋikiru. 118:12

Apotu kielun neni kaŋ ikwa ao, nai apotu todipakin atipei ikwa arira abu ayoŋ alokiro ke Ekapolon omunya ikes.

Awos. 8:21

Ani pa kicamak iyoŋ ikes toloto, eyakuuni ayoŋ ŋicuc ŋulu alalak nooi neni kon, neni a ŋikapolok a ŋulu ipukato ka iyoŋ, lotuŋa kon, ka nakais kus; ilelebun ŋicuc ŋulu alalak nooi nakais a Ŋijipitian ka akwap kec daadaŋ neni iboiyoto ikes.

Awos. 8:24

Abu Ekapolon kitiya ŋun, toyakaun ŋicuc ŋulu alalak nooi kai a Parao ka nakais a ŋikapolok a ŋulu epukatotor iŋes, tomunaut ŋicuc akwap a Ijipit daadaŋ.

Isa. 13:5

Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 5:26

Iwuakini Ekapolon akitoodikinet ŋina enyaraa ŋituŋa a akwap a ŋina alwanan, ekutakini iŋes ekapiriicit tonyarau ŋituŋa anakisaleta a akwap, ido epote ŋul iwonyete atipei ka ekerete!

Isa. 7:17

Eyauni Ekapolon neni kon ka neni a ŋituŋa kon ta nateker kon ŋirwa ŋulu a ŋican ŋulu nyetakanuna ŋinapei ameun anakoloŋit a ŋina atyakaror Epuraim alo Yudaya. Iyakuuni Ekapolon erwosit ka Asiriya neni kon.

Sakar 10:8

“Anyarauni ayoŋ ŋituŋa kaŋ, ido ocunak ikes daadaŋ nakwap kec. Aiuni ayoŋ ikes, ido etipituni ikes, tolalata ikwapei sek ayakatar.

Ŋikis. 1:44

Apotu nai Ŋiamori ŋulu eboiyete anakwap a ŋin ikitijikis iyes, ikirita iyes lopite ŋolo ikirisya ao. Apotu itoar iyes ameun alo Seir tari Orima.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.

Ŋikis. 7:20

Nabo daŋ, iyakikini Ekapolon Akuj kus ikes ŋidekesyo akitodol ŋina amunyarotor tari ŋipiya ŋulu apotu tosiwa aneni kus.

Yos. 24:12

Abu ayoŋ ewuak ekabule lorwosi ŋuluarei ŋulu a Ŋiamori eriŋa iyes nyedolo neni kec, ido apotu ikes tosuros, meere aŋuna a ŋileŋia kus, kori aŋuna a ŋikaleŋeleŋe kus asurotor ikes.