Isa. 7:14 - Ebaibul

¹⁴ Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 7:14 Iomraidhean Croise

Akisy. 16:11

Tolimok emalaika ke Ekapolon iŋes tema, “Kiira, ipoti iyoŋ, ka idouni iyoŋ isapat; tolimok ekiro keŋ Isimael, anerae eira Ekapolon ŋakiro a ŋican kon.”

Akisy. 29:32

Abu Lea topoti, ido kidou ikoku ŋinisapat, tolimok ekiro keŋ Ruben, anerae abu iŋes tema, “Aŋuna aanyuwarya Ekapolon ŋican kaŋ, kire jik akaminakini tokona ayoŋ ekile kaŋ.”

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Akisy. 30:6

Tolimu nai Rakel tema, “Etiya Akuj neni kaŋ eriyan, eira daŋ etoil kaŋ, akainaki ikoku ŋinisapat”; aŋun, abu tolimok ekiro a ikoku a ŋin Dan.

Akisy. 30:8

Tolimu nai Rakel tema, “Anakilyaka a ŋina agogoŋon, ikilyak ayoŋ ka nakaato kaŋ, ido adau ayoŋ akiloun”; aŋun, abu iŋes tolimok ekiro a edya a ŋol Naputali.

Akisy. 4:25

Kiryamakin nabo Adam ka Epa, kidou Epa isapat tolimok ekiro Set, anerae abu iŋes tema, “Akainaki ayoŋ Ekapolon ikoku ice ŋini ilunyokin lorot ka Abel a ŋolo abu Kain toar.”

1 Ŋirw. 13:3

Abu ekile ŋol kitoodiu akoloŋit ŋinapei emacar a ŋakiro a ŋun tema, “Erae lo emacar a ŋakiro a ŋun ŋolo itookiunit atemar adau Ekapolon alimun ŋun, ‘Ebwaŋabwaŋaryo Namuroet na, ido ebukoryo ekuron ŋolo eyai kidiama keŋ.’”

Ŋikiru. 46:8

Potu, kiŋolikisi ŋiticisyo ŋulu ke Ekapolon; kiŋolikisi ŋakiro ŋuna ka aumokin ŋuna etiyak iŋes nakwap.

Isa. 38:7

“‘Erae na akitoodikinet neni kon aneni ke Ekapolon atemar itiyakini Ekapolon ŋakiro nu ŋuna adau iŋes akiikin.

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Isa. 8:8

Egiraarete ikes akwap a Yudaya daadaŋ lopite ŋolo egiraarya akalele akwap toburusiya ibore daadaŋ.” Ikirukit isua ka Akuj, imukito ŋabebenuk keŋ akwap kosi.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 44:29

Ebala Ekapolon, ‘Erae akitoodikinet atemar abuni ayoŋ akisican iyes anakibois a na, ikotere iyenuniata iyes atemar iyookin kire jik ŋakiro kaŋ ŋuna alimu ayoŋ aŋuna kus:

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Luk. 1:31

ipotiuni iyoŋ kidou ikoku ŋini sapat, tolimok ekeekiro Yesu.

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 2:12

Erae na akitaanyikinet ŋina ianyuniata iyes: iryamunete ikoku ŋini cici ŋini imukoritae a ŋilowi eperi anataker a ŋina emasyata ŋaatuk!”

Luk. 20:44

Ani kenyarit Daudi iŋes ‘Ekapolon;’ ikokini nai iŋes eruwor lokoku keŋ ai?”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋikat. 6:36

Tolimok nai Gideon Akuj tema, “Ani kicamit iyoŋ aiun Ŋisirael, lopite ŋolo ilimunitor iyoŋ,

1 Sam. 1:20

Aŋun nai, abu Ana topoti, kidou ikoku ŋinisapat. Tolimok Ana ekiro a ikoku Samuel, anerae abu iŋes tema, “Abu ayoŋ eŋit Ekapolon ainakin ayoŋ ikoku.”

1 Sam. 4:21

Tolimok iŋes ekiro a ikoku Icabod, apolou a ekiro a ŋol iŋes na ebe, “Alot apolou ŋina ka Akuj aneni a Ŋisirael,” anerae ademar ikes Asaduku ŋina ka Akuj ka atwaka papa alokile keŋ ka lokile keŋ.