Isa. 7:13 - Ebaibul

¹³ Tema nai Isaya neni ka Aas, “Kiirasi tokona iyes ŋiletok a Daudi, nyituupa mono iyes ŋituŋa anakidaŋidaŋ ŋakiro kus, ido icamito akituup Akuj kaŋ daŋ a?

Isa. 7:13 Iomraidhean Croise

Akisy. 30:15

Nai tema Lea neni a Rakel, “Erae mono ŋakiro ŋuna irumiyarya iyoŋ ekile kaŋ ŋuna ecaryooko a? Ipedori iyoŋ akiya ŋaraito a ikoku kaŋ daŋ a?” Tema Rakel, “Ani kikiinak iyoŋ ayoŋ ŋaraito alokoku kon, iryamakinosi lolo iyoŋ ka Yakob.”

2 Ŋakiro a ŋirwa 21:7

Tari kikote neni daŋ, pa acamit Ekapolon akinyasun apukan a ekal a Daudi, anerae eikinit sek iŋes eketiyan keŋ Daudi atemar etoropari ŋiletok keŋ ipukato ŋikaru ka ŋikaru.

Ŋikiru. 45:5

Ekwaka ŋikaleŋeleŋe kon ememeete ŋimoe kon lotai; ireuni iyoŋ ŋimoe kon.

Isa. 1:14

Eŋerit etau kaŋ ŋasuban kus ŋuna a ŋilapyo a ŋulukitet ka ŋasuban kus ŋuna emaikina iyes itiyaete, eketuupa ikes ayoŋ, ekesyaasi ikes ayoŋ nyapedori akidaŋidaŋ.

Isa. 1:24

“Aŋun irworo Ekapolon ŋolo ipukat daadaŋ, Ekapolon a ŋajoresyo, Ekapolon ŋolo etiron ŋolo a Ŋisirael ebe, ‘Okoe! anyunyurikin ayoŋ ŋimoe kaŋ, ido enyaŋa ŋuna etiyata ŋimoe kaŋ neni kaŋ.

Isa. 22:22

Ainakini ayoŋ iŋes kipuka ŋiletok a Daudi, ŋuna ecamit iŋes akitiyakin mam ŋini eŋeri ka ŋuna nyecamit iŋes akitiyakin, mam ŋini itiyakini.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 43:24

Nyeyauna iyes neni kaŋ ŋakasirim ŋuna abobok kaapei ka ao, kori nyisimwonikina iyes ayoŋ a ŋasepwa a ŋamuronisya kus. Nai ikican iyes ayoŋ a ŋasecisya kus; ikituupa iyes ayoŋ a ŋaronisya kus.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Isa. 7:12

Nai abu Aas tema, “Nyeŋisi ayoŋ akitoodikinet adio, nyekatakini ayoŋ Ekapolon.”

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Esek. 16:20

Ibu iyoŋ ya ŋidwe kon ŋulusapa ka ŋulupesur ŋulu sek idounit iyoŋ aŋuna kaŋ, ibu iyoŋ toarak ikes neni a ŋakujo a ŋun ikwapei akimuj a ŋakujo a ŋun. Pa mono etemokino aronis ŋina ka amalao kon aŋuna kon a?

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 34:18

Nyimwonikina ŋace kus anakinyam ŋinya ŋulu ajokak, ipudanakinete iyes kwap ŋinya ŋulu nyinyamete iyes, imasete iyes ŋakipi ŋuna aliwak ka imunaete ŋuna nyipedorito akimat toruwor ecoto.

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Amos 3:13

Alimu Ekapolon Akuj ŋina a ŋajoresyo ŋakiro nu aŋuna a ŋiletok a Yakob,

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Ekim. 16:13

Itami iyoŋ atemar epataka ŋakiro ŋuna ikiyaunia iyoŋ isua alo Ijipit, anakwap a ŋina aleleata ŋakile ka ao aŋuna ka amunyar isua analoŋisat ka icamit tokona iyoŋ aruwor ekepukan kosi daŋ a?

Ekim. 16:9

Edit mono aneni kus apolou ŋina ikiinak iyes Akuj a Ŋisirael, Akuj ŋina ikityaka iyes anatukot a Ŋisirael daadaŋ, ikotere ikicamakini iyes alosit diyete keŋ aŋuna ka akitiya ŋiticisyo aloeema a ŋolo ke Ekapolon ka akiwo alokiŋaren atukot a ŋituŋa, ido kitiyanakis iŋes?

Luk. 1:69

Ikiinak iwon Ekaiunan ŋolo etiron anateker a Daudi eketiyan keŋ.

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋibur. 3:10

Aŋakiro a ŋun, abu oŋoik ŋituŋa ŋul nooi otema, ‘Eoliyonorete ŋituŋa lu jwi jwi aneni kaŋ, nyeyenuna ikes ŋipitesyo ŋulu emaikina kiwuapa.’