Isa. 66:5 - Ebaibul

⁵ Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Isa. 66:5 Iomraidhean Croise

1 Ŋirw. 21:29

“Idau ba iyoŋ aanyun epite ŋolo etiditeunor Aab alokiŋaren kaŋ? Aŋuna etiyaa iŋes ŋun, nyacamakini ayoŋ ŋican potu neni keŋ alorwa a ŋulu ka akiyar keŋ, nai epote ŋican ŋul lotuŋa ka Aab edoli ŋirwa ŋulu ka akiyar a lokoku keŋ.”

2 Ŋirw. 22:10

Tolimok nai Sapan ekegirigiran erwosit tema, “Akainaki ayoŋ esacaradoti Ilikia ŋolo apolon ekitaabo.” Tosyom nai Sapan ekitaabo ŋol alokiŋaren erwosit.

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Esir 9:4

Apotu nai daadaŋ ŋulu ayakatar akitopoolorit ŋakiro ŋuna ka Akuj a Ŋisirael tocununos ekerimokis ayoŋ kidiŋ, eboi ayoŋ alokwap akabulit akitodol apaki ŋina ka amuronot a ŋina ke eboŋ; etiyaete ikes ŋun aŋuna amamukar akikinyomit ayakatar ŋulu aboŋunete anakwap a ŋina sek arikoritae.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 38:20

Ikes ŋulu itiyaete ŋuna aronok neni kaŋ; etiyate bo ayoŋ ŋuna ajokak neni kec, akaremokino ayoŋ, anerae ewuapit ayoŋ ŋuna ajokak.

Ŋakit. 13:13

Ituŋanan ŋini ejamuwari ŋuna ebookoi kitiya, eyauni ŋican nakuwan keŋ, nai ituŋanan ŋini iwuapit ŋakiciketa, eryamuni akitalakaret.

Eete a Ŋie. 1:6

Nyikitekis ayoŋ ikijamuwarito aŋuna eryonia, anerae, akoloŋ ekesiryonit ayoŋ. Apotu ŋikaitotoi kaŋ okoŋoikis ayoŋ, ido apotu okoinakis ayoŋ akitiya lomanikor a epiini. Aŋun, abu ayoŋ nyeyok emanikor kaŋ a alope.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Isa. 60:15

Tari sek kikiŋeritoe ka kikimanitae iyes ka kemam ituŋanan etorununui nakwap kus; eketuruwori ayoŋ iyes ŋulu ailiilok ŋikaru ka ŋikaru; alelyanu ŋina ka anyamet ka apei tari ŋinace.

Isa. 65:13

Aŋun, alimu Ekapolon Akuj ebe, “Imujete ŋiketiyak kaŋ, nai ikinyami iyes akoro; emasete ŋiketiyak kaŋ, nai ikinyami iyes akure, elelyanete ŋiketiyak kaŋ, nai ikisirumyo iyes ŋileec.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Yer. 36:16

Ani iirarete ŋikapolok ŋakiro ŋun daadaŋ, kiŋolikinosi make ebulit temasi neni a Baruk, “Kire jik, emaikina isua olimokisi ŋakiro nu daadaŋ neni a erwosit.”

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Mat. 10:22

Ikitoroniyarete ŋituŋa iyes aŋuna ke ekiro kaŋ, nai ŋini etitinyikini akitodol nasalunet, eiunio.

Luk. 13:17

Ani elimuni Yesu ŋun, kiruma ŋikeemoi daadaŋ ŋileec. Nai alakara asepic daadaŋ, anerae ajokak ŋakiro ŋuna etiyae Yesu.

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Yoa. 9:34

Tolimokis ŋituŋa ŋul iŋes temasi, “Ikidounitoe iyoŋ irae ekasecan ka itusubuna iyoŋ eketataman isua a?” Kiritasi nai ikes iŋes alosinagoga.

2 Ŋites. 1:12

Alopite a lo, itopolooryo ekiro ŋolo ke Ekapolon yok Yesu ka ikitopolooryo iyes daŋ aneni keŋ aŋuna ka ajokis ka Akuj yok ka ŋina ke Ekapolon Yesu Kristo.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Yoa. 3:13

Ŋikaitotoi, nyiumokis erae kikitidiŋ iyes akwap.