Isa. 66:4 - Ebaibul

⁴ ayoŋ daŋ, aseuni ajamuwar ikes, ainakini ikes ibore ŋini ekerito ikes, anerae ani anyarae ayoŋ ikes, mam ŋini abu okoboŋok ayoŋ ŋakiro, ani esirworikini ayoŋ ikes, apotu ikes nyepupokis ŋakiro kaŋ, nai apotu ikes kitiyata ŋuna aronok alokiŋaren kaŋ, toseut akitiya ŋuna pa eketalakarito ayoŋ.”

Isa. 66:4 Iomraidhean Croise

2 Ŋirw. 21:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa a ŋakwapin ŋulu eritari Ekapolon alokiŋaren Ŋisirael.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

Ŋikiru. 81:12

Aŋun, abu ayoŋ emyek ikes kiwuapa ŋuna acamito ŋitai kec ŋulu esyaak, kiwuapa ŋuna acamito ikes ŋikulepek.

Ŋakit. 1:24

Akanyarit ayoŋ iyes ŋinapei aponare neni kaŋ, nai nyicamito iyes aponare, abu ayoŋ ekesican iyes, nai nyimyekina iyes akitiya aronis,

Ŋakit. 10:24

Ebuni neni a ŋulu aronok ibore ŋini ekerito ikes, nai einakinio ŋulu iyookino ibore ŋini iitanito ikes.

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 59:15

Emam ŋakiro ŋuna a kire, isicaneneo ituŋanan daadaŋ ŋini nyimyekini akitiya aronis. Adau Ekapolon akiŋolikin ŋakiro ŋun, ido abu nyelakar iŋolikini atemar nyetubio ŋakiro anakiyookino.

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Isa. 65:3

a ŋituŋa a ŋulu erubakinito itiyaete aronis alokiŋaren kaŋ, a ŋulu earete ŋamuronisya alomanikorin ka einanakinete ekinyate namatapali;

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Yer. 7:13

Tosodi tokona, aŋuna idauniata iyes akitiya ŋakiro ŋun daadaŋ ka aŋuna abunio ayoŋ eruwor neni kus ŋarwa ŋuna alalak, nai ipotu iyes nyiirasi ŋakiro kaŋ ka ani akanyarae ayoŋ iyes, ipotu iyes nyikiboŋokis ayoŋ,

Yer. 7:30

“Alimu Ekapolon atemar etiyata ŋituŋa a Yudaya ŋakiro ŋuna aronok alokiŋaren kaŋ, ewuakis ikes asiilyo kec Kai ŋina enyaritae a ekiro kaŋ, eturuwosi ŋina nyeseg

Esek. 11:8

Iraakasi iyes ŋulu ikerito aaro a ekileŋ, nai ekileŋ ikiarere iyes.

Esek. 14:4

Aŋun, kirwor neni kec tolimok ebe, ‘Alimu Ekapolon Akuj ŋakiro nu atemar ani kiwuak ituŋanan idio etau keŋ neni a ŋakujo ka kimyek aronis erikori iŋes nasecit, ido ani kitiyata ŋun, tolot neni a ekadwaran, ayoŋ Ekapolon aboŋokini iŋes ŋini ebuni, aboŋokini ayoŋ iŋes alotyae a ŋolo a ŋakujo keŋ.

Esek. 20:25

Ani ikokinete neni, abu ayoŋ daŋ epotok ikes lokisila ŋulu pa ajokak ka nakiro ŋuna pa apedoryata ikes ayarya.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

1 Sam. 8:19

Nai apotu Ŋisirael towout akiirar ŋakiro a Samuel temasi, “Mam! Ikiitanit isua jik aryamun erwosit ŋolo ikipukae isua,